პაპუაშვილი: არ ვარ უფლებამოსილი იმ მოსამართლეების გვარები დავასახელო, რომლებზეც ზეწოლა ხორციელდება

2016-07-25 14:33:57, 974 ნახვა

სამართალი

საკონსტიტუციო სასამართლოს თავმჯდომარე გიორგი პაპუაშვილი თავს იკავებს იმ მოსამართლეების დასახელებისგან, რომლებზეც მისივე თქმით, ზეწოლა ხორციელდება.

პაპუაშვილის თქმით, მან საქართველოს პრეზიდენტს დღეს დეტალური ინფორმაცია მიაწოდა იმას დაკავშირებით თუ რა ფორმით ხდება მოსამართლეებზე ზეწოლა როდიდან და რა ვითარებაში.

ამასთან, მისივე განცხადებით, ის არ არის უფლებამოსილი იმ მოსამართლეების სახელები და გვარები დაასახელოს, რომლებზეც ზეწოლა ხორციელდება.

„უფლებამოსილი არ ვარ, გვარი დავასახელო, მითუმეტეს საქმეებზე ვისაუბრო. ვთქვი, რომ საჯაროდ არასოდეს არ დავასახელებ გვარებს,ყოველ შემთხვევაში მამანდე, ვიდრე მოსამართლეა, რათა ზიანი არ მიადგეს საქმის ნორმალურ განხილვას. თუ მოსამართლეები ჩათვლიან საჭიროდ, თავად ისინი ისაუბრებენ“,-აღნიშნა პაპუაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან