პრემიერი პაპუაშვილზე: მეჩვენება, რომ საქმე გვაქვს ინსტიტუციების დისკრედიტაციასთან

2016-07-25 17:23:58, 687 ნახვა

პოლიტიკა

პრემიერ-მინისტრ გიორგი კვირიკაშვილის განცხადებით, საკონსტიტუციო სასამართლოს თავმჯდომარის გიორგი პაპუაშვილის პირველი განცხადების შემდეგ, მას ტელეფონით დაუკავშირდა და შესთავაზა პროკურატურისთვის მასალები მიეწოდებინა.

როგორც პრემიერმა ჟურნალისტებს განუცხადა, პაპუაშვილმა სამწუხაროდ გადაწყვიტა, რომ არ მიემართა პროკურატურისთვის.

პრემიერისთვის გაუგებარია რატომ არ შეიძლება აჭარის პროკურატურაში მისვლა იყოს არაადეკვატური.

„ამ შემთხვევაში მე მგონია, რომ ჩვენს ინსტიტუციებს, მათ შორის ნებისმიერ ფილიალს და პროკურატურის ნებისმიერ რიგით წარმომადგენელს, უფრო მეტი პატივი უნდა ვცეთ. მე არ მაქვს პრობლემა მასთან შეხვედრის რა თქმა უნდა, უბრალოდ მეჩვენება, რომ საქმე გვაქვს ინსტიტუციების დისკრედიტაციასთან, რაც არის ყოვლად დაუშვებელი”,- აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან