2016-07-25 18:33:38, 768 ნახვა
საზოგადოება
Stadler KISS -მა თბილისი-ბათუმის მიმართულებით პირველი რეისი შეასრულა
ორსართულიანი მატარებლის პირველ მგზავრებს აჭარის მთავრობის თავმჯდომარე, ზურაბ პატარაძე ბათუმის რკინიგზის სადგურში დახვდა. პირველი შთაბეჭდილებების შესახებ ზურაბ პატარაძემ პირადად მგზავრებისგან მიიღო ინფორმაცია. მგზავრებთან გასაუბრების შემდეგ მთავრობის თავმჯდომარემ მატარებელი დაათვალიერა. დღესვე, ზურაბ პატარაძე აჭარის ტურიზმისა და კურორტების დეპარტამენტის მიერ ინიცირებულ ახალ პროექტს გაეცნო. პროექტის ფარგლებში „ბათუმი ცენტრალის" მგზავრებს ახალ სერვისს - მობილური გიდებით მომსახურებას სთავაზობენ. ისინი სტუმრებს რეგიონის ტურისტული მარშრუტებისა და პროდუქტების შესახებ ინფორმაციასა და ბუკლეტებს მიაწვდიან. მობილური გიდები ქობულეთის რკინიგზის სადგურშიც იმოძრავებენ. აგვისტოს პირველი ნახევრიდან კი აჭარის ტურიზმისა და კურორტების დეპარტამენტი „ბათუმი ცენტრალის" შენობაში სეზონური ტურისტული საინფორმაციო ცენტრის განთავსებას გეგმავს, სადაც ტურისტებს ასევე შეეძლებათ რეგიონის ტურისტული პოტენციალის შესახებ აუცილებელი ინფორმაციის მიღება. „შემოვიდა პირველი, თანამედროვე, ორსართულიანი მატარებელი ბათუმის რკინიგზის სადგურში. როგორც ხედავთ ყველა მგზავრი კმაყოფილია. დამერწმუნეთ, რომ ეს ხელს შეუწყობს რეგიონში და ქვეყანაში ტურიზმის განვითარებას, სერვისების გაუმჯობესებას, რაც ძალიან მნიშვნელოვანია ჩვენი რეგიონისთვის. ეს კიდევ ერთი წინ გადადგმული ნაბიჯია და მინდა მივულოცო ყველა ჩვენს მოქალაქეს და ტურისტს" - განაცხადა ზურაბ პატარაძემ მგზავრებთან შეხვდრის შემდეგ. ავტორი: ირაკლი მანაგაძე , ექსპრესნიუსის რეპორტიორი 2009 წლიდან დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
მაკა ბოჭორიშვილი - რატომ არის სრულიად სამყარო საქართველოს კანონის წინააღმდეგ მიმართული, რომელიც ემსახურება ერთადერთ მიზანს - გამჭვირვალობას
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|