2015-03-06 12:23:07, 340 ნახვა
პოლიტიკა
პარლამენტი საკუთარი ბიუჯეტის შემცირებაზე მუშაობს
საქართველოს პარლამენტი საკუთარი ბიუჯეტის შემცირებაზე მუშაობს. როგორც საპარლამენტო უმრავლესობაში აცხადებენ, „ქამრების შემოჭერის პოლიტიკა“ ყველასთვის მნიშვნელოვანი უნდა იყოს. „როდესაც შემოვედით მერვე მოწვევის პარლამენტში, ჩვენ პრემიებზე ვთქვით უარი და შესაბამისად არცერთი თეთრი პრემია არ აგვიღია. აქ არის საწვავის ხარჯები, არის სხვა ხარჯებიც. დანაზოგი ბევრი არ იქნება, მაგრამ რაც იქნება, უნდა იყოს. ყველასთვის უნდა იყოს „ქამრების შემოჭერის პოლიტიკა“ მნიშვნელოვანი“, - განაცხადა საპარლამენტო უმრავლესობის წევრმა ანი მიროტაძემ. როგორც უმრავლესობის კიდევ ერთმა წევრმა გედევან ფოფხაძემ აღნიშნა, თუ არის რაიმე რესურსი, რომელიც აუცილებელი არაა, უნდა ჩამოიჭრას. „ჩვენ ყველას უნდა გვესმოდეს იმ ყველა ლარის ფასი, რომელსაც ჩვენ ვხარჯავთ. ყველას უნდა ჰქონდეს ამის განცდა, რომ ზედმეტი ხარჯი, ეს არ არის მარტო ფინანსური ზიანი, ეს არის საზოგადოების მიმართ ძალიან დიდი უპატივცემულობა. თუ არის რაიმე რესურსი, რომელიც არ არის აუცილებელი, ის აუცილებლად უნდა იყოს ჩამოჭრილი“,- განაცხადა გედევან ფოფხაძემ. რაც შეეხება საპარლამენტო უმცირესობას, „ნაციონალური მოძრაობის“ წევრის აკაკი მინაშვილის განცხადებით, ხელისუფლებამ ქამრები მოქალაქეებს შემოუჭირა, საკუთარი კომფორტისთვის კი ყველა პირობა შეიქმნა. „ქამრების შემოჭერასთან დაკავშირებით ეს პირველი განცხადება არ არის მთავრობის მხრიდან. ხელისუფლებამ ქამრები შემოუჭირა სწორედ მოქალაქეებს, გააღარიბა ისინი და მეორეს მხრივ საკუთარი კომფორტისთვის ყველა პირობა შეიქმნა. უმრავლესობის მოქმედებაში ქამრების შემოჭერას ვერ ვხედავ“, - განაცხადა აკაკი მინაშვილმა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან კალაძე არსენალის მთის პროექტზე - 2011 წლიდან კომპანიაში არ ვარ, არანაირი შეხება და ინტერესი არ მაქვს
კალაძე - არავინ ეწევა ისეთ დისკრედიტაციას ევროკავშირის, როგორც კონკრეტული ევროპარლამენტარები
პრემიერი - საქართველოს მართლმადიდებელი ეკლესია ე.წ. ლიბერალების თავდასხმის განსაკუთრებული სამიზნეა
ორბანი კობახიძეზე - ის არის მთავრობის მეთაური, რომელიც ქართულ პოლიტიკაში დიდ მოჭადრაკედ მიიჩნევა
|
ომი უკრაინაშიReuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|