ჩემი მოლოდინი საკონსტიტუციო სასამართლოს მიმართ არის ის, რომ რაც არ უნდა ზეწოლას ახორციელებდეს ვინმე მარცხნიდან თუ მარჯვნიდან, დღევანდელი თუ წინა ხელისუფლებიდან, მაქვს მოლოდინი ამ 9 ადამიანისგან, რომ ისინი არავითარ შემთხვევაში არ დაემორჩილებიან ზეწოლას, - ამის შესახებ საქართველოს პარლამენტის თავმჯდომარე დავით უსუფაშვილმა ჟურნალისტებს განუცხადა.

თავმჯდომარის თქმით, სახელმწიფო ინსტიტუტებს ყველა უნდა გაუფრთხილდეს.

„ყველა გამოძიებასთან ჩვენ შეიძლება გვქონდეს ერთი მოლოდინი, რომ საქმეზე დადგინდეს ჭეშმარიტება და საზოგადოებამ, სახელმწიფო ინსტიტუტებმა გავიგოთ სიმართლე. ამისთვის საჭიროა, უფრო მაღალი ნდობა იყოს სამართალდამცავი სისტემისადმი, თავად საკონსტიტუციო სასამართლოსადმი, მართლმსაჯულებისადმი, პარლამენტისადმი, პრეზიდენტისადმი, მთავრობისადმი, ვიდრე დღეს გვაქვს ჩვენ. თუ ჩვენ, ქართველებს გადაწყვეტილი გვაქვს სახელმწიფოს შექმნა და მისი ხანგრძლივი ვადით ფუნქციონირება, ამ ინსტიტუტებს უნდა გავუფრთხილდეთ, მათ უნდა ჰქონდეთ ნდობა“, - განაცხადა უსუფაშვილმა.

როგორც დავით უსუფაშვილმა განმარტა, დღევანდელ საქართველოში ყველაზე უფრო დეფიციტური ერთმანეთისადმი, პოლიტიკური ჯგუფებისადმი ნდობაა.

„მე არ უნდა მჭირდებოდეს გადამოწმება იმისა, თუ თქვენს ეთერში ვიხილე ფაქტი, მე უნდა გენდობოდეთ თქვენ, თქვენ უნდა მენდობოდეთ მე. ამის დეფიციტი გვაქვს ჩვენ და ეს უნდა დავძლიოთ რაც შეიძლება მალე, სხვა შემთხვევაში ყველა ჩვენი მცდელობა ქვეყნის წინ წასვლისა იქნება ფუჭი. ჩემი მოლოდინი საკონსტიტუციო სასამართლოს მიმართ არის ის, რომ რაც არ უნდა ზეწოლას ახორციელებდეს ვინმე მარცხნიდან თუ მარჯვნიდან, დღევანდელი თუ წინა ხელისუფლებიდან, მაქვს მოლოდინი ამ 9 ადამიანისგან, რომ ისინი არავითარ შემთხვევაში არ დაემორჩილებიან ზეწოლას.

პროკურორის მხრიდან ის მოლოდინი მაქვს, რომ მას კარგად აქვს გააზრებული რამხელა პასუხისმგებლობა აკისრია, როდესაც ადამიანები ზუსტად მასთან ვართ ვალდებული ვილაპარაკოთ სიმართლე. პროკურორმა უნდა დაადგინოს ჭეშმარიტება. ამ სტანდარტის მოლოდინი მაქვს ყველასგან და ხუთეულის შეხვედრის იდეაც აქედან მოდის. მინდა ჩვენ ჩვენს ხალხს ავუმაღლოთ ნდობა საკუთარი სახელმწიფოსადმი“, - განაცხადა დავით უსუფაშვილმა.

შეგახსენებთ, რომ საკონსტიტუციო სასამართლოს თავმჯდომარის გიორი პაპუაშვილის განცხადებით მოსამართლეებზე ზეწოლა ხორციელდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე - ნათელი ხდება, რამდენად მნიშვნელოვანია დავიცვათ ჩვენი ეროვნული ღირსება, ოჯახური ღირებულებები და ამაყად გავაგრძელოთ სვლა წინ - გელოდებით ყველას 29 აპრილს

კრამონი - ივანიშვილი ცდილობს საქართველოში „რუსკი მირი“ დაამყაროს

ფოტიგა - ჩვენ მოვითხოვთ სანქციებს ბიძინა ივანიშვილის წინააღმდეგ

კუბილიუსი - ამ კანონის მიღების შემთხვევაში, მოლაპარაკება გაწევრიანებაზე უნდა შეჩერდეს