2016-07-30 13:57:17, 1688 ნახვა
მსოფლიო
ერევანში მომხდარი დაპირისპირების შედეგად 60-მდე ადამიანი დაშავდა
ერევანში პოლიციამ, გუშინ ღამით განყოფილებაში გადაყვანილი 165 მოქალაქიდან 26-ის დაკავების გადაწყვეტილება მიიღო, - ამის შესახებ ინფორმაციას "რია-ნოვოსტი" ერევნის პოლიციაზე დაყრდნობით ავრცელებს. როგორც მედია საშუალება იტყობინება, დაკავებულთა ვინაობა უცნობია. ამასთან, ჟურნალისტების ინფორმაციით, დაკავებულთა შორის ოპოზიციური პარტია „მემკვიდრეობის“ თავმჯდომარის მოადგილე არმენ მარტიროსიანია. "რია-ნოვოსტი" წერს, რომ გუშინ გამით, პოლიციის განყოფილების შენობაში გამაგრებული შეიარაღებული პირების მხარდასაჭერად მასობრივი აქცია გაიმართა. მედიის ცნობით, სამართალდამცველებმა აქტივისტები ძალისმიერი გზით დაარბიეს, გამოიყენეს ცრემლსადენი გაზი, რის შედეგადაც 60-მდე აქტივისტი საავადმყოფოში, სხვადასხვა სირთულის ტრავმით გადაიყვანეს. სამოქალაქო ტანსაცმელში ჩაცმული პირები, რომლებიც ხელკეთებით იყვნენ შეიარაღებული, გადამღებ ჯგუფს თავს დაესხნენ, მათ წინააღმდეგ ძალა გამოიყენეს და ვიდეოკამერა დაუმტკვრიეს. გარდა ამისა, სხვა დაშავებულ ჟურნალისტებზეც ვრცელდება ინფორმაცია. ესენი არიან: CivilNet.TV-ისა და რუსული გამოცემა "ლაიფის" ჟურნალისტები. შეგახსენებთ, რომ ერევანში ერებუნის ქუჩაზე მდებარე პოლიციის განყოფილების შენობაში შეიარაღებული პირები 17 ივლისიდან იმყოფებიან. ისინი ოპოზიციონერი აქტივისტის, ჟირაირ სეფილიანის გათავისუფლებას, ასევე სომხეთის პრეზიდენტის გადადგომას ითხოვენ. ავტორი: ირაკლი მანაგაძე , ექსპრესნიუსის რეპორტიორი 2009 წლიდან „თიბისის“ მობაილბანკში ახალი დამხმარე ღილაკებია: 4 ხერხი თუ როგორ გაიმარტივო ყოველდღიურობა მობაილბანკით
სპეციალური საგამოძიებო სამსახური - იძულების ფაქტზე შსს-ს თანამშრომელი ვამხილეთ
პროექტის „ინკლუზიური სოფლის განვითარება და მდგრადი სოფლის მეურნეობა“ პრეზენტაცია გაიმართა
„საქართველოს მელიორაცია“ ზემო ალაზნის სარწყავი სისტემის რეაბილიტაციის სამუშაოებს ახორციელებს
|
ომი უკრაინაშიუკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
უკრაინის გენშტაბი - საომარი მოქმედებების დაწყებიდან დღემდე, უკრაინაში 463 930-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|