22:36 - 28 Mar, 2024
რეკლამა/ხელმოწერა
2015-03-06 17:28:58, 314 ნახვა

პოლიტიკა
დავით ბაქრაძე უკრაინის მინისტრთა კაბინეტისა და პრემიერ-მინისტრის აპარატის უფროსს შეხვდა

მთავრობის ადმინისტრაციაში ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი დავით ბაქრაძე, უკრაინის მინისტრთა კაბინეტისა და პრემიერ-მინისტრის აპარატის უფროსს ანა ონიშჩენკოს შეხვდა.

შეხვედრაზე მხარეებმა ერთმანეთს ქვეყნების ტერიტორიული მთლიანობისა და სუვერენიტეტის მხარდაჭერა დაუდასტურეს და რეგიონში კონფლიქტების მშვიდობიანი გზით მოგვარების აუცილებლობა აღნიშნეს.

შეხვედრაზე განიხილეს ევროკავშირთან ასოცირების შესახებ შეთანხმების იმპლემეტაციის პროცესი, ევროინტეგრაციის კუთხით განხორციელებული და მიმდინარე რეფორმები. ხაზი გაესვა აღნიშნულ საკითხებზე  გამოცდილების სისტემატურად ურთიერთგაზიარების აუცილებლობას. ყურადღება გამახვილდა საქართველოსა და უკრაინის რიგის აღმოსავლეთ პარტნიორობის სამიტისათვის მზადების პროცესსა და მოლოდინებზე; ამ მხრივ პოზიციების შეჯერებისა და კოორდინირებული მუშაობის მნიშვნელობაზე.

„ჩვენ ერთად ვმუშაობთ უკრაინის მხარესთან. მომავალ კვირაში იგეგმება ასევე, სამმხრივი შეხვედრა მოლდოვას, უკრაინას, საქართველოს მინისტრთა მოადგილეების დონეზე, რათა შემუშავდეს ერთიანი მიდგომა, როგორც ევროკავშირის სამეზობლო პოლიტიკის გადახედვის პროცესში, ასევე, რიგის სამიტისთვის ჩვენი მზადების თვალსაზრისით. ჩვენ გვაქვს ერთნაირი საგარეო პოლიტიკური მისწრაფებები და სამწუხაროდ, მსგავსი საგარეო პოლიტიკური გამოწვევები. შესაბამისად, ჩვენი ძალისხმევა უნდა იყოს ძლიერი ამ მიმართულებით“, - განაცხადა დავით ბაქრაძემ შეხვედრის შემდეგ.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics