2015-03-06 16:40:29, 543 ნახვა
საზოგადოება
ღვინისა და ალკოჰოლიანი სასმელების ფართომასშტაბიანი შემოწმება დაიწო
სურსათის ეროვნულმა სააგენტომ მომხმარებელთა ინტერესებისა და ქართული ბაზრის ფალსიფიკაციისაგან დასაცავად ღვინისა და ალკოჰოლიანი სასმელების ფართო მასშტაბიანი შემოწმება დაიწყო. სააგენტოს ცნობით, მიმდინარე წლის თებერვალში თბილისსა და საქართველოს რეგიონებში გამოკვლეულია სხვადასხვა წარმოების ჩამოსასხმელი ღვინის 20 ნიმუში, 14 ნიმუშის კვლევის შედეგები კი რამდენიმე დღეში გახდება ცნობილი. მათივე ინფორმაციით, რესტორნებში, მარკეტებსა და საცალო ვაჭრობის ობიექტებში აღებული ნიმუშები შემოწმდა აკრედიტებულ ლაბორატორიაში (შპს „ღვინის ლაბორატორია“). ლაბორატორიული კვლევის შედეგად 6 ნიმუშში გამოვლინდა სხვადასხვა მაჩვენებლის დარღვევა, კერძოდ, უშაქრო ექსტრაქტის, ვაშლის, ღვინისა და რძემჟავების ნაკლებობა; აქროლადი მჟავების სიჭარბე; მალვიდინის დიგლუკოზიდის მომატებული რაოდენობა. აღნიშნული დარღვევები ითვალისწინებს ღვინის რეალიზაციის აკრძალვას და პროდუქციის ბაზრიდან გამოთხოვას, რაზეც ზედამხედველობას განახორციელებენ სურსათის ეროვნული სააგენტოს უფლებამოსილი პირები. სააგენტოში აცხადებენ, რომ მარტში დაგეგმილია ჩამოსასხმელი ღვინის 60-მდე ნიმუშის აღება. პარალელურად, ჩატარდება ინსპექტირებები ღვინის საწარმოებში, სადაც სურსათის ეროვნული სააგენტოს ინსპექტორები შეისწავლიან საწარმოს სანიტარიულ-ჰიგიენურ მდგომარეობას და მის შესაბამისობას კანონმდებლობით დადგენილ ნორმებთან. „სურსათის ეროვნული სააგენტოს მიერ დაგეგმილი ღონისძიებები მაქსიმალურად შეამცირებს ბაზარზე ფალსიფიცირებული ღვინის გავრცელების რისკს, გაზრდის პროდუქციის ხარისხს და მომხმარებელს დაიცავს საეჭვო წარმომავლობის მავნებელი სასმელისაგან, ექსპორტისშემთხვევაში კი,ქართულ ღვინოს ღირსეულად წარმოაჩენს მსოფლიო ბაზარზე“, - აცხადებენ სურსათის ეროვნულ სააგენტოში. ავტორი: ირაკლი მანაგაძე , ექსპრესნიუსის რეპორტიორი 2009 წლიდან კანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
14 სენატორი კობახიძეს „უცხოური გავლენის გამჭვირვალობის შესახებ“ კანონპროექტის უკან გაწვევისკენ მოუწოდებს
ბაიდენი - აშშ მიმდინარე კვირაში უკრაინისათვის იარაღის გაგზავნას დაიწყებს
ტატო გრიგალაშვილი ევროპის ჩემპიონია
|
ომი უკრაინაშიკანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
უკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|