ჯანელიძე: ამ ეტაპზე იტალიაში დაღუპულთა, ან დაშავებულთა შორის საქართველოს მოქალაქეები არ არიან

2016-08-24 12:38:06, 546 ნახვა

პოლიტიკა

საქართველოს საგარეო საქმეთა მინისტრის, მიხეილ ჯანელიძის განცხადებით, იტალიაში მომხდარი მიწისძვრის დროს დაღუპულთა და დაშავებულთა შორის საქართველოს მოქალაქეები არ არიან.

ჯანელიძემ მომხდარის გამო, იტალიელ ხალხს მიუსამძიმრა და განაცხადა, რომ საჭიროების შემთხვევაში, მათ დასახმარებლად მზად არიან:

“პირველ რიგში, მინდა, მივუსამძიმრო იტალიის მოქალაქეებს. ეს არის უდიდესი ტრაგედია. საკმაოდ დიდი ზარალია. ჩვენ ამ ეტაპზე ვართ აქტიურ კონტაქტზე შესაბამის სამსახურებთან. ამ ეტაპზე საქართველოს მოქალაქეები დაღუპულთა, ან დაშავებულთა შორის არ არიან. ცხელი ხაზიც ამოქმედებულია. ასევე აქტიურად ვმუშაობთ იმ მიმართულებით, თუ რაიმე დახმარება ჩვენი მხრიდან იქნება საჭირო ყველაფერს გავაკეთებთ“,- განაცხადა ჯანელიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან