23:48 - 25 Apr, 2024
2016-08-24 13:40:29, 655 ნახვა
პოლიტიკა
სუბარი: 20 წელია ტერიტორიული მთლიანობა დარღვეულია,მაგრამ რეფერენდუმები ჩატარებულა
ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის, სოზარ სუბარის განცხადებით, ქორწინების საკითხზე საკონსტიტუციო ცვლილებასთან დაკავშრებით რეფერენდუმის თაობაზე, პრეზიდენტის არგუმენტაციას არ ეთანხმება.
მისივე თქმით, საქართველოს ტერიტორიული მთლიანობა 20 წელზე მეტია დარღვეულია, თუმცა ამ ხნის განმავლობაში საქართველოში რეფერენდუმები ჩატარებულა.
„კონტრასიგნაციასთან დაკავშირებით პრემიერმა განმარტა, რა საკითხში არ ვეთანხმებით პრეზიდენტს, რომ რეფერენდუმის ჩატარება არ შეიძლება ტერიტორიული მთლიანობის აღდგენამდე, ვერ დავეთანხმებით ბუნებრივია, რადგან ტერიტორიული მთლიანობა 20 წელიწადზე მეტია დარღვეულია და ამ ხნის განმავლობაში რეფერენდუმები ჩატარებულა, მათ შორის ის, რომ საქართველოს პარლამენტში დღეს არის არა 235, არამედ 150 წევრი, ესეც არის რეფერენდუმით მიღებული დადგენილება.
სპეკულაციები იმასთან დაკავშირებით, რომ ეს პოლიტიკური საკითხია... პოლიტიკური საკითხია ყველაფერი, მაგალითად ის, რომ საქართველოში სიკვდილით დასჯა აკრძალულია. ისე არ მიიღოთ, რომ ამას ერთი და იგივე დონეზე ვაყენებ. ნებისმიერი ქვეყანა, თვითონ განსაზღვრავს, რა შეიძლება იყოს კონსტიტუციის საკითხი და რა-არა“, -განაცხადა სოზარ სუბარმა და დასძინა, რომ კონსტიტუციაში ქორწინების დეფინიციის დაკონკრეტება ევროკავშირის რეგულაციებს არ ეწინააღმდეგება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშირუსებმა ხარკოვის ოლქში ბალაკლიას რაიონი დაბომბეს - არიან დაშავებულები
Reuters - აშშ-მა უკრაინას ATACMS-ის რაკეტები ფარულად გაუგზვნა
უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|