2016-08-24 14:12:34, 734 ნახვა
პოლიტიკა
ხუხაშვილი: ხელისუფლებას, რომელსაც 25%-იანი რეიტინგი აქვს, სხვის პროცენტებს არ უნდა უყურებდეს
ექსპერტი პოლიტიკის საკითხებში გია ხუხაშვილი „ექსპრესნიუსთან“ საუბრისას აცხადებს, რომ ამ ეტაპზე ხელისუფლების მთავარი ოპონენტი ამომრჩეველია და არა რომელიმე პარტია. ხუხაშვილის განცხადებით, მმართველი გუნდი ყველაფერს „ნაციონალური მოძრაობის“ პრიზმაში უყურებს. „ის, რომ რეიტინგის ვარდნის მხრივ, ხელისუფლება კრიტიკულ ზღვარზეა, ეს ფაქტია. ტენდენციები, რომ დიდია გადაუწყვეტელ ამომრჩეველთა რაოდენობა, ამომრჩეველთა დიდი რაოდენობა „ქართულ ოცნებასა“ და „ნაციონალურ მოძრაობას“ არასდროს მისცემს ხმას ნიშნავს, რომ თუ ზიზღის ინდექსი მაღალია, მაშინ ამომრჩეველი უკიდურეს ზომას მიმართავს, რომ არ დადგეს მათთვის არასასურველი შედეგი. ეს ყოველივე ხელს უწყობს პოსტსაარჩევნო კრიზისის ჩამოყალიბებას. ჩემი აზრით, პარტიების პროცენტულობას ამ შემთხვევაში მნიშვნელობა არ აქვს. „ნაციონალურ მოძრაობას“ 25%-ის ნაცვლად, 10% რომ ეწეროს მაშინაც არაფერი შეიცვლებოდა. ხელისუფლებას, რომელსაც 25%-იანი რეიტინგი აქვს არ ნიშნავს, რომ მას პრობლემები არ აქვს. ამ სიტუაციაში ხელისუფლების მთავარი ოპონენტი არა პარტიები, არამედ თავად ამომრჩეველია. ასეთი ოპონენტი მტერსა და ავს. ხელისუფლება მიეჩვია, რომ ყველაფერს „ნაციონალური მოძრაობის“ პრიზმაში უყურებს. მათი მთავარი ამოცანა არის ის, რომ „ნაციონალურმა მოძრაობამ“ რეიტინგში არ გადაასწროს. ხელისუფლებას ურჩევნია სხვის ქცევის პროგნოზირებას თავი დაანებოს და თავად გადადგას ქმედითი ნაბიჯები“, - აცხადებს ხუხაშვილი. გერმანულმა კომპანია GFK-მ რუსთავი 2-ის დაკვეთით მორიგი სოციოლოგიური კვლევის შედეგები წარმოადგინა. კვლევის შედეგად, პარტიულ რეიტინგში "ქართულ ოცნებას" 35.9 % აქვს, ერთიანი ნაციონალურ მოძრაობა-34.2%, სახელმწიფო ხალხისთვის - პაატა ბურჭულაძე 9.8%, ლეიბორისტული პარტია 5.4%, თავისუფალი დემოკრატები - ირაკლი ალასანია 4.5%, პატრიოტთა ალიანსი - ირმა ინაშვილი 2.4 %, ნინო ბურჯანაძე - დემოკრატიული მოძრაობა 2.2%, რესპუბლიკური პარტია 0.7 %, პოლიტიკური ცენტრი გირჩი 0.5%, ახალი საქართველო - გიორგი ვაშაძე 0.5%.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიუკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
Reuters - ესპანეთი უკრაინას Patriot-ის ტიპის რაკეტებს გაუგზავნის
უკრაინის გენშტაბი - საომარი მოქმედებების დაწყებიდან დღემდე, უკრაინაში 463 930-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|