02:02 - 29 Mar, 2024
რეკლამა/ხელმოწერა
2016-08-24 21:02:16, 742 ნახვა

საზოგადოება
„თეთნულდის განვითარების ახალი ფაზა ახალი ბიუროკრატიული მექანიზმების გაჩენას არ გამოიწვევს“

„თეთნულდის განვითარების ახალი ფაზა დამატებითი საბიუჯეტო რესურსის ხარჯვას და ახალი ბიუროკრატიული მექანიზმების გაჩენას არ გამოიწვევს“ - ამის შესახებ განცხადებას მთის კურორტების განვითარების კომპანია ავრცელებს.

როგორც განცხადებაში ვკითხულობთ, საუბარი იმაზე, რომ სახელმწიფო ამ მიზნით დამატებით რესურსს ხარჯავს და ახალ ბიუროკრატიულ ერთეულს ქმნის, ყოველგვარ საფუძველს მოკლებულია. ასევე, განცხადებაში ვკითხულობთ, რომ კურორტ თეთნულდის განვითარების ახალი ფაზის დაწყებასთან დაკავშირებით, საქართველოს პრემიერ-მინისტრის მიერ დღეს გაკეთებულ განცხადებას არასწორი ინტერპრეტაცია მოჰყვა.

"გვსურს განვმარტოთ, რომ საუბარია შპს-ზე, რომელიც უკვე არსებობს და იქ მუშაობენ მენეჯერები. პრემიერ-მინისტრს მხედველობაში ჰქონდა კურორტ „თეთნულდის“ განვითარების პროცესში მულახის თემის უფრო აქტიური ჩართვის უზრუნველყოფა და სწორედ ამას ემსახურება ბატონი სოსო ჯაჭვლიანის კანდიდატურის დასახელება. მისი ერთ-ერთი მთავარი უპირატესობა სწორედ ის არის, რომ იგი ადგილობრივია და, როგორც მულახის თემის მცხოვრებლებთან, ისე სახელმწიფო სტრუქტურებთან ურთიერთობის კარგი გამოცდილება აქვს. უმნიშვნელოვანესია, რომ სახელმწიფო, თეთნულდის განვითარების პროცესში იღებს არა ერთპიროვნულ გადაწყვეტილებებს, არამედ გეგმავს, მაქსიმალურად გაითვალისწინოს არსებული სპეციფიკა და უზრუნველყოს ადგილობრივი მოსახლეობის მაქსიმალური ჩართულობა. კიდევ ერთხელ ხაზგასმით ვაცხადებთ, ეს არანაირი დამატებითი საბიუჯეტო რესურსის ხარჯვას და ახალი ბიუროკრატიული მექანიზმების გაჩენას არ გამოიწვევს",-ნათქვამია მთის კურორტების განვითარების კომპანიის განცხადებაში. 




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics