2016-08-25 15:53:35, 1113 ნახვა
პოლიტიკა
სერგეენკო: საყოველთაო ჯანდაცვა არის მხოლოდ იმის ნაწილი, რაც გეკუთვნოდათ და დაგიბრუნეთ
მსურს, კიდევ ერთხელ დაგიდასტუროთ ჩემი დიდი პატივისცემა და გითხრათ, რომ ნამდვილად, არ ჩამოვსულვარ აქ იმისათვის, რათა თავი მოგაწონოთ, თუ რამდენი რამის გაკეთება შევძელი, - ასეთი სიტყვებით მიმართა საქართველოს ჯანდაცვის მინისტრმა დავით სერგეენკომ ლენტეხში ადგილობრივ მოსახლეობას. მინისტრმა მოსახლეობას „ქართული ოცნების“ ხელისუფლების მიერ ჯანდაცვის მიმართულებით განხორციელებული პროექტების შესახებ ესაუბრა. „ეს მთლიანად მთავრობის დამსახურებაა. სამწუხაროდ, მოსახლეობის ნახევარზე მეტს არ ჰქონდა შესაძლებლობა, თუნდაც გადაუდებელ შემთხვევაში ექიმთან მისულიყო. ეს არის თითოეული თქვენგანის უფლება და ეს არის ის, რაც გეკუთვნით. ერთადერთი, რაც შევძელით, იმის ნაწილი დაგიბრუნეთ, რაც გეკუთვნოდათ და არა ის, რომ დაგამადლოთ, აი, რამდენი რამ გავაკეთეთ. კარგად მესმის, დამერწმუნეთ, დეტალურად ვიცი, ის დამატებითი საჭიროებები, რაც დარჩება რაიონს მას შემდეგ, რაც ძალიან მალე საავადმყოფო გაიხსნება. იგივე შეეხება სასწრაფოს“, - განაცხადა დავით სერგეენკომ. მინისტრმა ასევე ისაუბრა სოციალური დახმარებების შესახებ. "ერთ-ერთი ყველაზე მტკივნეულია ჩვენთვის სოციალური დახმარებები. ჩვენ ძალიან ვეცადეთ და ბოლო წლების განმავლობაში პოლიტიკური შემადგენელი მთლიანად ამოვაცალეთ ამ საკითხს, როდესაც არჩევნების წინ ხდებოდა ხოლმე ათეულობით ათასი ადამიანისთვის დახმარების დანიშვნა. მესმის, რომ თითოეული ადამიანისთვის, თითოეული ოჯახისთვის დანიშნული ან განსაკუთრებით მოხსნილი სოციალური დახმარება რამდენად მტკივნეულია, მაგრამ თვალებში გიყურებთ და პირობას გაძლევთ, რომ ეს არის მთავრობის ერთ-ერთი მთავარი პოლიტიკა, შეიძლება ითქვას ღირსების საკითხიც, რომ სოციალური დახმარების იმედზე კი არ იყოს მხოლოდ ადამიანი და ოჯახი, არამედ მას ჰქონდეს ღირსეული სამუშაოს შესაძლებლობა, რათა თავად ღირსეულად შეინახოს ოჯახი. თუმცა, რა თქმა უნდა, იმ ოჯახებს, რომლებსაც სჭირდებათ დახმარება, აუცილებლად დავეხმარებით“, - განაცხადა ჯანდაცვის მინისტრმა. ამასთან, დავით სერგეენკო, პრემიერ-მინისტრთან ერთად, ლენტეხში საავადმყოფოს მშენებლობის პროცესს გაეცნო. ავტორი: ირაკლი მანაგაძე , ექსპრესნიუსის რეპორტიორი 2009 წლიდან უკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
ნეთანიაჰუ - ანტისემიტურმა ბრბომ აშშ-ის წამყვანი უნივერსიტეტები მოიცვა - ეს უნდა შეწყდეს
„არა რუსულ კანონს, კი ევროპას“ - აქციაზე შეკრებილი მოქალაქეები მსვლელობით ევროპის მოედანზე მივიდნენ
რეჯეფ თაიფ ერდოღანი ანკარაში ფრანკ-ვალტერ შტაინმაიერს შეხვდა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 462 980-მდე რუსი ჯარისკაცი მოკლეს
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
უკრაინის გენშტაბი - საომარი მოქმედებების დაწყებიდან დღემდე, უკრაინაში 461 940-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|