2016-08-26 18:08:02, 777 ნახვა
საზოგადოება
თბილისში ხეების მოჭრის გადაწყვეტილებას სპეციალური კომისია მიიღებს
დედაქალაქის მერმა დავით ნარმანიამ საკრებულოს დეპუტატების თანდასწრებით ხეების მოჭრის რეგულაციებთან დაკავშირებულ დოკუმენტს ხელი მოაწერა.
დოკუმენტის თანახმად, ქალაქში ხეების მოჭრის გადაწყვეტილებას სპეციალური კომისია მიიღებს.
დავით ნარმანიას თქმით, ეს დოკუმენტი ორშაბათს გახდება საჯარო.
ამასთან, საკრებულოს თავმჯდომარე გიორგი ალიბეგაშვილმა აღნიშნა, რომ გამწვანებაზე ზრუნვა ყველა ადამიანის ვალია.
„მოგიწოდებთ ყველამ თითო ხე დავრგოთ“, - განაცხადა ალიბეგაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან