2016-08-29 15:09:23, 801 ნახვა
პოლიტიკა
რუსთავის მაჟორიტარი დეპუტატობის კანდიდატები მეწარმეებს შეხვდნენ
,,ქართული ოცნება-დემოკრატიული საქართველოს“ რუსთავის მაჟორიტარი კანდიდატები საარჩევნო კამპანიის ფარგლებში მეწარმეებს შეხვდნენ. პაატა მხეიძისა და გიორგი ბეგაძის შეხვედრა ბიზნესმენებთან რუსთავის დემოკრატიული ჩართულობის ცენტრში გაიმართა. 29-ე ოლქის დეპუტატობის კანდიდატმა პაატა მხეიძემ ბიზნესმენებს ,,ქართული ოცნების“ ეკონომიკური ხედვები გააცნო. მეწარმეებთან ერთად ბიზნესსექტორში არსებული გამოწვევებისა და მათი მოგვარების გზებზე ისაუბრა 30-ე ოლქის მაჟორიტარობის კანდიდატმა. ,,ჩემი მთავარი ამოცანაა, რომ ჩვენს ქვეყანაში, ჩვენს ქალაქში შევქმნათ ისეთი ბიზნესგარემო, გავატაროთ ისეთი ეკონომიკური რეფორმები, რაც ხელს შეუწყობს ბიზნესის გაძლიერებას. ეს ყველაფერი განაპირობებს ეკონომიკური მდგომარეობის გაუმჯობესებას, შესაბამისად, მივაღწევთ იმ სწრაფ განვითარებასა და ოჯახების კეთილდღეობას, რომელიც მიზნად დავისახეთ“,-განაცხადა გიორგი ბეგაძემ. როგორც მაჟორიტარი დეპუტატობის კანდიდატებმა განაცხადეს, ,,ქართული ოცნების“ ხელისუფლებაში ყოფნის პერიოდში მიღებულმა არაერთმა კანონმა ქვეყანაში მეწარმეობის განვითარების კუთხით ვითარება მკვეთრად გააუმჯობესა. დეპიტატობის კანდიდატების თქმით, ეკონომიკური განვითარება პარტიის მთავარი პრიორიტეტია, რუსთავს კი აქვს პოტენციალი, რომ ერთ-ერთი ყველაზე თანამედროვე ქალაქი გახდეს. „რუსთავს, როგორც ახლო წარსულში უმსხვილეს ინდუსტრიულ ცენტრს, ამ ფუნქციის დაბრუნების პერსპექტივით უნდა მიენიჭოს თავისუფალი ინდუსტრიული ზონის სტატუსი. იმის გათვალისწინებით, რომ რუსთავს გააჩნია საინჟინრო კვალიფიციური კადრების პოტენციალი, ბატონ ბიძინა ივანიშვილის ინიციატივით დაარსებული უახლესი ტექნოლოგიების უნივერსიტეტის ერთ-ერთი საწარმოო ფილიალის რუსთავში გახსნის პერსპექტივაც უნდა იქნეს განხილული“, - განაცხადა პაატა მხეიძემ. დეპუტატობის კანდიდატები მეწარმეებს დაპირდნენ, რომ მანდატის მოპოვების შემთხვევაში, ბიზნესის მხარდასაჭერად საკანონმდებლო ინიციატივებს წარადგენენ. რუსთაველ ამომრჩევლებთან შეხვედრები ყოველდღიურ რეჟიმში მიმდინარეობს. პაატა მხეიძე ასევე შეხვდა ჭყონდიდელის დასახლების, ბათუმის, კლდიაშვილის, ფალიაშვილის, თბილისისა და კოსტავას ქუჩების მაცხოვრებლებს. პაატა მხეიძემ ადგილობრივებთან თვითმმართველობის შექმნიდან დღემდე ქალაქში განხორციელებული და მიმდინარე პროექტების შესახებ ისაუბრა. „მე ვპირდები მოსახლეობას, რომ თითოეული პრობლემა განხილული იქნება ადგილობრივი თვითმმართველობისა და საკრებულოს დონეზე, საჭიროების შემთხვევაში ცენტრალურ ხელისუფლებასთან. მათი გადაჭრის გზებზე მუშაობას საარჩევნო პერიოდშივე დავიწყებთ. მადლობა რუსთავის მოსახლეობას მოსმენისთვის, გაკეთებულის დანახვისთვის, ახლის ერთად კეთების მზაობისთვის. შეხვედრების 4 დღის ბოლოს, მათი კეთილგანწყობის ფონზე, გაორმაგებულ პასუხისმგებლობას ვგრძნობ. „ ქართული ოცნების“ გუნდის მხარდაჭერით, ჩვენ შევძლებთ ერთად, სწრაფი განვითარებით თანამედროვე რუსთავის აშენებას“, - განაცხადა პაატა მხეიძემ. (NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
|
ომი უკრაინაშიხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
გერმანიამ უკრაინის სამხედრო დახმარების ახალი პაკეტი გამოაცხადა
ვიდეო/LIVE საქართველოს დამოუკიდებლობის დღე - პირდაპირი
|