საპარლამენტო უმრავლესობის წევრი გია ვოლსკი „ექსპრესნიუსთან“ საუბრისას დემურ სტურუას თვითმკვლელობასთან დაკავშირებით პოლიტიკოსთა გამოხმაურებებს პასუხოს და აცხადებს, რომ არსებობს გადაცდომის ფაქტები, მაგრამ დღევანდელ რეალობასთან მიმართებაში სისტემა შეუსაბამო სახელია.

„ძალიან სამწუხაროა, რომ ლევან ბერძენიშვილმა პოზიცია შეიცვალა და ადრე მისგან მსგავსი განცხადებები მოულოდნელი იქნებოდა ჩემთვის. თუმცა, ახლა მესმის, გარკვეული პოლიტიკური კონიუნქტურა არსებობს. თუ ბერძენიშვილი სისტემებს შორის განსხვავებებს ვერ ხედავს, 2012 წლამდე რაც იყო და ახლა რაც არის სამართალდამცავი ორგანოების საქმიანობაში, მაშინ ეს განცხადება პოლიტიკურ მიზანს ემსახურება და არა რეალობის შეფასებას. 2012 წლამდე არსებულსა და დღევანდელი მდგომარეობას შორის, სამართალდამცავების კუთხით, განსხვავება ისეთია, როგორც ცა და დედამიწა. სისტემა, რომელიც ადამიანებზე ძალადობდა და ზოგადად, მთელი პოლიტიკური სისტემა ძალადობით იყო გაჟღენთილი, როგორ შეიძლება დღევანდელ სიტუაციას შეადარო. არსებობს ცალკეული გადაცდომის ფაქტები, მაგრამ დღევანდელ რეალობასთან მიმართებაში სისტემა აბსოლუტურად შეუსაბამო სახელია. კონკრეტულად ამ ფაქტზე კი გამოძიება ჩატარდება და დასასჯელი უნდა დაისაჯოს, ეს არის მთავარი პოსტულატი, რომლითაც დღეს ჩვენი სამართალდამცავი სისტემა ხელმძღვანელობს“, - აცხადებს ვოლსკი.

შეგახსენებთ, რომ დემურ სტურუამ 7 აგვისტოს სამტრედიის რაიონში, სოფელ დაფნარში თავი ჩამოიხრჩო. მის მიერ დატოვებული წერილის თანახმად, ეს პოლიციელ გოდერძი თევზაძის მხრიდან განხორციელებული ზეწოლის გამო გააკეთა.

ვიცე-პრემიერის კახა კალაძეს განცხადებით, დემურ სტურუას თვითმკვლელობამდე მიყვანაში ბრალდებული პოლიციელის დაკავება დაუყოვნებლივ არ უნდა მომხდარიყო.

„რესპუბლიკური პარტიის“ წევრის ლევამ ბერძეიშვილის განცხადებით კი, 2012 წლამდე არსებული საპოლიციო სისტემა არ დანგრეულა და ამისთვის კიდევ ბევრი სამუშაოა ჩასატარებელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მდინარაძე - ნათელი ხდება, რამდენად მნიშვნელოვანია დავიცვათ ჩვენი ეროვნული ღირსება, ოჯახური ღირებულებები და ამაყად გავაგრძელოთ სვლა წინ - გელოდებით ყველას 29 აპრილს

კრამონი - ივანიშვილი ცდილობს საქართველოში „რუსკი მირი“ დაამყაროს

ფოტიგა - ჩვენ მოვითხოვთ სანქციებს ბიძინა ივანიშვილის წინააღმდეგ

კუბილიუსი - ამ კანონის მიღების შემთხვევაში, მოლაპარაკება გაწევრიანებაზე უნდა შეჩერდეს