2016-08-30 16:18:19, 669 ნახვა
საზოგადოება
მიხეილ ჯანელიძე OSCE/ODIHR საპარლამენტო არჩევნებზე დაკვირვების მისიის წარმომადგენლებთან შეხვედრა გამართა
საქართველოს მთავრობის მოწვევით, დღეიდან ქვეყანაში ფუნქციონირებას იწყებს ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) 2016 წლის 8 ოქტომბრის საპარლამენტო არჩევნებზე დაკვირვების მისია. სადამკვირვებლო მისიის ფარგლებში არჩევნებს მონიტორინგს გაუწევს 400-მდე დამკვირვებელი. საქართველოს საგარეო საქმეთა მინისტრმა მიხეილ ჯანელიძემ ეუთო-ს დემოკრატიული ინსტიტუტებისა და ადამიანის უფლებათა ოფისის (OSCE/ODIHR) საპარლამენტო არჩევნებზე დაკვირვების მისიის წარმომადგენლებს საგარეო საქმეთა სამინისტროში უმასპინძლა. შეხვედრისას საუბარი შეეხო ორგანიზაციასთან საქართველოს თანამშრომლობის საკითხებს და ქვეყანაში არსებულ საარჩევნო გარემოს. საქართველოს მთავრობის მოწვევით საერთაშორისო სადამკვირვებლო მისიის ფარგლებში 2016 წლის 8 ოქტომბრის საპარლამენტო არჩევნებს მონიტორინგს გაუწევს 400-მდე დამკვირვებელი (ძირითადი ჯგუფი - 8, 26 გრძელვადიანი და 350 მოკლევადიანი დამკვირვებელი). მისისას ალექსანდრე კელტჩევსკი უხელმძღვანელებს. როგორც მისიის წარმომადგენლებთან შეხვედრაზე საქართველოს საგარეო საქმეთა მინისტრმა აღნიშნა საქართველოს მჭიდრო თანამშრომლობა აკავშირებს OSCE/ODIHR-თან, რომელიც 1999 წლიდან სისტემატიურად აკვირდება ქვეყანაში გამართულ არჩევნებს. მან კიდევ ერთხელ გამოთქვა ქართული მხარის მზადყოფნა მაქსიმალური დახმარება გაუწიოს მისიას ეფექტიან ფუნქციონირებაში. „დიდად ვაფასებთ ODIHR-ის რეკომენდაციებს, რომელმაც მნიშვნელოვანი როლი შეასრულეს საარჩევნო გარემოს გაუმჯობესებაში, არჩევნებთან დაკავშირებული კანონმდებლობის დახვეწასა და ზოგადად, ქართული დემოკრატიის ხარისხის განმტკიცებაში" - აღნიშნა მინისტრმა. აღსანიშნავია, რომ 8 ოქტომბრის საპარლამენტო არჩევნებზე დაკვირვებისა და არჩევნების მაქსიმალურად გამჭვირვალე, თავისუფალ და სამართლიან გარემოში ჩატარების მიზნით საქართველოს მთავრობამ არაერთი ავტორიტეტული საერთაშორისო ორგანიზაცია მოიწვია, მათ შორის ეუთო-ს საპარლამენტო ასამბლეა, ევროპის საბჭოს საპარლამენტო ასამბლეა, ნატო-ს საპარლამენტო ასამბლეა, ევროპარლამენტი, არაბთა ლიგა, აფრიკის კავშირი, საერთაშორისო რესპუბლიკური ინსტიტუტი, ეროვნულ-დემოკრატიული ინსტიტუტი და სხვა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება
სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება
სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა
კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 456 960-მდე რუსი ჯარისკაცი მოკლეს
ზელენსკი - ოკუპანტი შეეცდება, გააძლიეროს თავდასხმითი და შეტევითი მოქმედებები - ჩვენ ვუპასუხებთ
უკრაინის გენშტაბი - საომარი მოქმედებების დაწყებიდან დღემდე, უკრაინაში 455 340-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|