გოდერძის უღელტეხილზე გამართული ღონისძიებების შემდეგ აჭარის ა/რ მთავრობის თავმჯდომარე, ზურაბ პატარაძე, ხულოს მუნიციპალიტეტში  „ქართული ოცნება-დემოკრატიული საქართველოს" აჭარის მაჟორიტარ კანდიდატებთან ანზორ ბოლქვაძესთან და ხვიჩა შარაშიძესთან ერთად სოფელ თხილვანას და ხიხაძირის ხეობას ეწვია.

აჭარის მთავრობის ადმინისტრაციის პრესსამსახურის ინფორმაციით, მოსახლეობასთან შეხვედრები თხილვანაში მშენებარე ბაღის შენობაში გაიმართა. სოფლის მოსახლეობას ზურაბ პატარაძემ მმართველი გუნდის მომავალი გეგმების, ასევე მთის კანონით დადგენილი იმ შეღავათების შესახებ ესაუბრა, რომელთა დიდი ნაწილით უკვე სარგებლობს ხულოს მუნიციპალიტეტი.

თხილვანას შემდეგ შეხვედრა გაიმართა სოფელ ხიხაძირში. დარბაზში შეკრებილი მოსახლეობის წინაშე მაჟორიტარ კანდიდატებთან ერთად ქართული ოცნების აჭარის პროპორციული სიის მეორე ნომერი დავით გაბაიძე წარსდგა. დავით გაბაიძე წარმოშობით ხიხაძირის ხეობიდანაა, იგი საუკეთესო მაგალითია შრომისმოყვარე, მიზანდასახული, ობიექტური და საქმის პროფესიონალი ადამიანისა, რომელმაც უმაღლეს საბჭოში მაჟორიტარ კანდიდატად წარდგენამდე თავის კარიერაში ყველა ეტაპი გაიარა.ხიხაძირელები განსაკუთრებული სითბოთი შეხვდნენ მის გამოჩენას. ხულოში გამართულ შეხვედრებზე მთავრობის თავმჯდომარემ გუნდთან ერთად ისაუბრა რეგიონში დაწყებული იმ პროექტების შესახებ, რომლებიც მნიშვნელოვანწილად გააუმჯობესებს აჭარის მოსახლეობის ეკონომიკურ და სოციალურ მდგომარეობას.

განსაკუთრებული ხაზი გაესვა კურორტ გოდერძზე მიმდინარე და დაგეგმილ პროექტებს, ხულო-ადიგენის გზის მონაკვეთის რებილიტაციის საკითხს და ეკოტურიზმის პოტენციალის განვითარებას.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

TI - „ქართული ოცნება“ ოფშორებთან დაკავშირებულ საგადასახადო ცვლილებებს ივანიშვილს არგებს

სააკაშვილი - ენმ-ს ვთხოვ, უახლოეს დღეებში პარტიის ბორდი შევქმნათ და ბორდის თავმჯდომარედ ჩემი კანდიდატურა განიხილონ

ვოლსკი - არც ერთი ახალგაზრდა, ვინც აქციაზე იყო, არ იტყვის, რომ ხაბეიშვილს ბრძოლაში წაჰყვება

ოხანაშვილი ნატო ჩხეიძეს - ხომ გახსოვთ, სადაც იყავით, რა ჩამოიტანეთ ასეთი რომ „ნაციონალურმა მოძრაობამ“ სიაში შეგიყვანათ?