2016-09-27 15:48:08, 1275 ნახვა
სამართალი
პრეზიდენტისა და უზენაესი სასამართლოს მიერ დანიშნული მოსამართლეები ფიცს 2 ოქტომბერს დადებენ
2 ოქტომებრს 14:00 საათზე ბათუმის საკონსტიტუციო სასამართლოში საქართველოს პრეზიდენტისა და უზენაესი სასამართლოს მიერ დანიშნული მოსამართლეების ფიცის დადების ცერემონია გაიმართება.
ღონისძიებას საქართველოს პრეზიდენტი გიორგი მარგველაშვილი დაესწრება.
„პრეზიდენტს არაერთხელ აღუნიშნავს, რომ სასამართლო სისტემის გამართულად მუშაობა ქვეყნის დემოკრატიულობის საფუძველია. პრეზიდენტი კიდევ ერთხელ გამოთქვამს იმედს, რომ ახალი მოსამართლეების დანიშვნა საკონსტიტუციო სასამართლოს ნდობის აღდგენას შეუწყობს ხელს“, - აღნიშნა პრეზიდენტის პრესსპიკერმა ეკა მიშველაძემ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან