23:10 - 28 Mar, 2024
რეკლამა/ხელმოწერა
2016-09-27 16:25:42, 752 ნახვა

პოლიტიკა
გია ვოლსკი: არ შეიძლება სააკაშვილის პათოლოგიურ აზრებს საქართველოს მომავალი გადავაყოლოთ

ფრაქცია "ქართული ოცნების" თავმჯდომარე  გია ვოლსკი დღეს სავარაუდოდ,  მიხეილ სააკაშვილსა და "ნაციონალური მოძრაობის" ლიდერებს შორის სატელეფონო  საუბრის   ჩანაწერის გავრცელებას გამოეხმაურა.

როგორც ვოლსკიმ "ექსპრესნიუსს" განუცხადა, ფარული ჩანაწერების საკითხი გამოსაძიებელია, თუმცა განკსაკუთრებით მნიშვნელოვანია ის, თუ რას უპირებენ  საქართველოს.

ვოლსკის თქმით, მიხეილ სააკაშვილს საქართველოში სტაბილური გარემო არ სჭირდება, რადგან მან იცის, რომ  არჩევნების გზით პროცესების მის სასარგებლოდ  მოტრიალება შეუძლებელია:

"უკანონო მოსმენების თემა ერთადერთი დარჩა,  რასაც შეიძლება ჩამოეკიდონ. ერთი შემთხვევა მაგონდება, როცა გავრცელდა ხალხის წამებისა და გაუპატიურების კადრები, პირველი შეკითხვა, რაც გაუჩნდა  ზოგიერთს  იყო,  თუ საიდან იყო მოპოვებული ეს კადრები. იმ საშინელი ფაქტების შეფასებისგან კი ბევრმა თავი შეიკავა. საინტერესოა, რა თქმა უნდა, თუ საიდან არის ეს კადრები, მაგრამ განსაკუთრებით მნიშვნელოვანია, რა მოხდება საქართველოში, რას უპირებენ ქვეყანას და რა ხალხთან გვაქვს საქმე-კარგად უნდა გააცნობიეროს საზოგადოებამ.

მოგაგონებთ 2014 წელს სააკაშვილის ინტერვიუს,  რომლის ტირაჟირებაც "რუსთავი2"- ის მიერ ხდებოდა. გარკვევით ამბობს, რომ უნდა დაამხოს  ხელისუფლება და არ უნდა მივიდეს არჩევნებამდე.  ერთ-ერთი ისევ ხალხის გაუპატიურებაზე ლაპარაკობს(ჩანაწერში)

ისინი საფრთხის შემცველი ადმიანები არიან, თუცმა საზოგადოება ისეთი ბნელი არ არის, რომ ამ ბნელ ძალებს აჰყვეს.  დარწმუნებული ვარ, რომ თავად "ნაციონალური მოძრაობის" მხარდამჭერებშიც და პოლიტიკოსებს შორისაც ძალიან ბევრი მოეგება გონს და გააკეთებს სწორ განცხადებას ამასთან დაკავშირებით.

მიუხედავად პრინციპული დაპირისპირებისა, საკითხებთან დაკავშირებით, ჩვენი შვილები ერთ ქუჩაზე უნდა გაიზარდონ. ასე რომ, არ შეიძლება სააკაშვილის პათოლოგიურ აზრებს საქართველოს მომავალი გადავაყოლოთ.

ქვეყანა ძალიან ბევრი მიმართულებით, მიუხედავად უდიდესი სიძნელეებისა, ვითარდება. სტაბილურობაა. ბიზნესმენს აინტერესებს, ინვესტორს აინტერესებს, ტურისტების რაოდენობა  ორჯერ აჭარბებს მოსახლეობის რაოდენობას. უამრავი ადამიანის სიცოცხლე გადარჩა. ამ ყველაფერს ხალხი ხედავს.

რასაკვირველია,  საააკაშვილს ეჩქარება, ხედავს, რომ არჩევნების გზით პროცესების მოტრიალება შეუძლებელია. ქვეყანას სჭირდება სტაბილურობა, სააკაშვილს სტაბილურობა არ სჭირდება,  საკმაოდ არაკომფორტულ სიტუაციაში იმყოფება და ფიქრობს თავის პირად მომავალზე და არა ქვეყანაზე",-განუცხადა "ექსპრესნიუსს" გია ვოლსკიმ.

ცნობისთვის, სოციალურ ქსელ Youtube-ში მორიგი სატელეფონო საუბრის ჩანაწერი გავრცელდა.

ჩანაწერში სავარაუდოდ, საქართველოს ყოფილი პრეზიდენტის, მიხეილ სააკაშვილისა და „ნაციონალური მოძრაობის“ ლიდერების სატელეფონო საუბარია ასახული, რომლებიც რევოლუციურ სცენარზე საუბრობენ.

ჩანაწერის ავთენტურობა ჯერ-ჯერობით დადასტურებული არ არის.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics