2016-09-29 11:56:00, 1793 ნახვა
მსოფლიო
ნიუ-იორკის სასამართლომ საქართველოში დაბადებულ 68 წლის მოშე მირილაშვილს 13-წლიანი პატიმრობა მიუსაჯა
მანჰეტენის ფედერალურმა სასამართლომ საქართველოში დაბადებულ, 68 წლის მოშე მირილაშვილს ნარკოტიკული ნივთიერების უკანონო გაყიდვისთვის 13 წლითა და 4 თვით თავისუფლების აღკვეთა მიუსაჯა, - ამის შესახებ ინფორმაციას BBC ავრცელებს. მედია საშუალების ინფორმაციით, მირილაშვილი ოქსიკოდონს - ნარკოტიკის შემცველ ტკივილგამაყუჩებელს უკანონოდ ყიდდა, რომელსაც ყოველწლიურად 13 მილიონი ამერიკელი მოიხმარს. მოსამართლის განაჩენი ნაფიცმსაჯულთა ვერდიქტს ეყრდნობოდა, რომლებმაც ექიმი მირილაშვილი დამნაშავედ ცნეს. დამატებითი სასჯელის სახით სასამართლომ ბრალდებულს 2 მილიონი დოლარის ოდენობის ჯარიმა დააკისრა. მირილაშვილის სახლის ჩხრეკისას სამართალდამცველებმა 1,75 მილიონი დოლარის ოდენობის ნაღდი ფული აღმოაჩინეს. პროკურატურის ცნობით, 2012 წლის ოქტომბრიდან 2014 წლის დეკემბრამდე მირილაშვილმა 10 ათასზე მეტი დაუსაბუთებელი რეცეპტი გამოწერა, ანუ მილიონი აბი ოქსიკოდონი. ის პაციენტებს ვიზიტის სანაცვლოდ 200 ან 300 დოლარს ართმევდა. ამასთან, მირილაშვილი პაციენტებს დიაგნოსტიკას არ უტარებდა "საქმის არსით, მოშე მირილაშვილი იყო ნარკოდილერი, რომელიც ექიმად აჩვენებდა თავს", - განაცხადა ნიუ-იორკის სამხრეთის ოლქის გენერალურმა პროკურორმა პრიტ ბჰარარამ. გამოძიება მირილაშვილის წინააღმდეგ მას შემდეგ დაიწყო, რაც მეზობლებმა მის სახლთან ხალხის რიგი შენიშნეს და ამის შესახებ პოლიციას შეატყობინეს. გამოძიება ორ წელს გრძელდებოდა და მირილაშვილისა და კიდევ ათი ნარკოდილერის დაკავებით დასრულდა. სხვა დაკავებულებმა დანაშაული აღიარეს. მირილაშვილს 1996 წელს დარღვევებისთვის ექიმის ლიცენზია ჩამოართვეს, რომლის აღდგენაც მან მხოლოდ 15 წლის შემდეგ შეძლო. როგორც მსჯავრდებულის ადვოკატები ამტკიცებენ, ექიმმა რამდენიმე თანამშრომელი აიყვანა, რომლებიც ნარკოდილერები აღმოჩნდნენ და მისგან მალულად მედიკამენტების რეცეპტებით ვაჭრობდნენ. მირილაშვილი საქართველოში დაიბადა. მან სამედიცინო უნივერსიტეტი ორენბურგსა და თბილისში დაამთავრა. 1974 წელს ოჯახთან ერთად აშშ-ში გადავიდა საცხოვრებლად. ემიგრაციის მიზეზად ის ანტისემიტიზმს ასახელებდა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან კანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
14 სენატორი კობახიძეს „უცხოური გავლენის გამჭვირვალობის შესახებ“ კანონპროექტის უკან გაწვევისკენ მოუწოდებს
ბაიდენი - აშშ მიმდინარე კვირაში უკრაინისათვის იარაღის გაგზავნას დაიწყებს
ტატო გრიგალაშვილი ევროპის ჩემპიონია
|
ომი უკრაინაშიკანადა უკრაინას საბრძოლო თვითმფრინავების წარმოებისთვის 2,3 მილიონ დოლარზე მეტს გამოუყოფს
უკრაინის დაზვერვა - მოსკოვის აეროდრომზე რუსების ვერტმფრენი Ka-32 გავანადგურეთ
უკრაინამ აბრამსის ტანკები ფრონტის ხაზიდან საბრძოლო დრონების გამო გაიყვანა - AP
ვიდეო/LIVE საქართველოს დამოუკიდებლობის დღე - პირდაპირი
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|