2016-09-29 18:46:10, 1351 ნახვა
კომენტარი
გურამ იმნაძე: ახალი პარლამენტის პირობებში, პრიორიტეტული და სასწრაფო საკითხი, ნარკოპოლიტიკაა
ადამიანის უფლებების სწავლებისა და მონიტორინგის ცენტრის იურისტის გურამ იმნაძის შეფასებით, მარიხუანას მეორედ მოხმარების შემთხვევაში, თავისუფლების აღკვეთის გაუქმების თაობაზე, საკონსტიტუციო სასამართლომ ლოგიკური და სამართლიანი გადაწყვეტილება მიიღო. როგორც მან "ექსპრესნიუსს" განუმარტა, ამ გადაწყვეტილებით თავისუფლების აღკვეთა მოხლოდ მარიხუანას შემთხვევაში გაუქმდა, ხოლო მთლიანად ნარკოტიკული საშუალების მოხმარების დეკრიმინალიზება არ მომხდარა. მისივე თქმით, აღნიშნულმა გადაწყვეტილებამ აჩვენა, რომ საქართველოში ნარკოპოლიტიკა დასახვეწია: "ეს გადაწყვეტილება შეეხო მხოლოდ და მხოლოდ მარიხუანას და ამ გადაწყვეტილებით თავისუფლების აღკვეთა მხოლოდ მარიხუანას შემთხვევაში გაუქმდა. მთლიანად ნარკოტიკული საშუალების მოხმარების დეკრიმინალიზება არ მოხმდარა. გაუქმდა მხოლოდ თავისუფლების აღკვეთა. ასევე აღსანიშნავია ისიც, რომ იგივე საკითხზე ნარკოტიკული საშუალების მოხმარებაზე უზენაეს სასამართლოს აქვს განსხვავებული პრაქტიკა. მან არა მხოლოდ მარიხუანაზე, არამედ სხვა ნარკოტიკული საშუალებების მოხმარებისთვისაც არ გამოიყენა თავისუფლების აღკევთა სასჯელის სახით. ეს ყველაფერი იმაზე მიუთითებს, რომ არსებული ნარკოპოლიტიკა არის სასწრაფოდ შესაცვლელი და ახალი პარლამენტის პირობებში ასეთი პრიორიტეტული და სასწრაფო საკითხი, რაც უნდა გადაიჭრას, არის სწორედ ნარკოპოლიტიკა და ამ კუთხით ახალად შეკრებილმა პარლამენტმა უმოკლეს ვადებში უნდა განახორციელოს შესაბამისი საკანონმდებლო ცვლილებები, რომლებიც დაასრულებს არსებულ ნარკოპოლიტიკას. დღევანდელი გადაწყვეტილება უფრო მეტად გამოძახილია საკონსტიტუციო სასამართლოს მანამდე მიღებული გადაწყვეტილების. ვგულისხმობ ბექა წიქარიშვილის საქმეზე საკონსტიტუციო სასამართლოს მიერ მიღებულ გადაწყვეტილებას, რომლითაც სასამართლომ 70 გრამამდე მარიხუანის შეძენა -შენახვისთვის არაკონსტიტუციურად ცნო თავისუფლების აღკვეთა და დღევანდელი გადაწყვეტილებით საკონსტიტუციო სასამართლომ კიდევ ერთხელ გაიმეორა, რომ არათუ შეძენა-შენახვისთვის, ნარკოტიკული საშუალების მოხმარებისთვისაც არ შეიძლება იყოს გამოყენებული თავისუფლების აღკვეთა. საკონსტიტუციო სასამართლომ დღევანდელ გადაწყვეტილებაში იმსჯელა იმ ფარგლებში, რა ფარგლებშიც შესული იყო ეს წარდგინება უზენაესი სასამართლოსგან. ანუ, უფრო მეტად და უფრო ფართო შინაარსის მსჯელობას და შესაბამის გადაწყვეტილებას საკონსტიტუციო სასამართლო დღეს ვერ გამოიტანდა, რადგან ამით გასცდებოდა იმ მოთხოვნებს, რაც დაყენებული იყო წარდგინებაში. შესაბამისად, ეს გადაწყვეტილება იყო ლოგიკური და სამართლიანი და ის ემყარება საკონსტიტუციო სასამართლოს მანამდე განვითარებულ ლოგიკას. ის კიდევ ერთხელ მიუთითებს იმაზე, რომ საჭიროა საკანონმდებლო ცვლილებები, სისტემური რეფორმები ამ კუთხით",-განუცხადა "ექსპრესნიუსს" გურამ იმნაძემ. ავტორი: ირაკლი მანაგაძე , ექსპრესნიუსის რეპორტიორი 2009 წლიდან დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
მაკა ბოჭორიშვილი - რატომ არის სრულიად სამყარო საქართველოს კანონის წინააღმდეგ მიმართული, რომელიც ემსახურება ერთადერთ მიზანს - გამჭვირვალობას
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|