16:50 - 28 Mar, 2024
რეკლამა/ხელმოწერა
2016-09-29 20:29:20, 787 ნახვა

პოლიტიკა
პრემიერმა ჩინეთის სახალხო რესპუბლიკას ეროვნული დღესასწაული მიულოცა

ჩინეთთან თავისუფალი ვაჭრობის შესახებ მოლაპარაკებები რეკორდულად მოკლე დროში - 7 თვეში დასრულდა და ჩვენ მზად ვართ უახლოეს დროში ამ შეთანხმების ხელმოწერისთვის, - ამის შესახებ საქართველოს პრემიერ-მინისტრმა გიორგი კვირიკაშვილმა ჩინეთის სახალხო რესპუბლიკის დაარსების 67-ე წლისთავისადმი მიძღვნილ საზეიმო მიღებაზე განაცხადა.

საქართველოს მთავრობის მეთაურმა, ჩინეთის სახალხო რესპუბლიკას და ღონისძიების მასპინძელს, ჩინეთის ელჩს საქართველოში, ძი იანჩის, ეროვნული დღესასწაული მიულოცა და ორი ქვეყნის ურთიერთობების ხანგრძლივ ისტორიაზე ისაუბრა.

გიორგი კვირიკაშვილის შეფასებით, დღეს, ჩინეთის სახალხო რესპუბლიკა საქართველოს სანდო და ფასდაუდებელი პარტნიორია.

„წელს განსაკუთრებით მნიშვნელოვან წარმატებებს მივაღწიეთ. ჩვენი მზარდი ურთიერთობების განმტკიცების ერთ-ერთი გამოხატულება იყო ჩინეთის სახალხო რესპუბლიკის სახელმწიფო საბჭოს ვიცე-პრემიერის, ჭან გაოლის საქართველოში ჩამობრძანება, ასეთი მაღალი რანგის პირველი ოფიციალური ვიზიტით. გარდა ამისა, რასაკვირველია, უნდა აღვნიშნოთ თავისუფალი ვაჭრობის ეპოქალური მნიშვნელობის შეთანხმების შესახებ მოლაპარაკებების დაწყება, რომელიც მძლავრ ბიძგს მისცემს ჩვენს ქვეყნებს შორის ურთიერთობების გაღრმავებას", - განაცხადა გიორგი კვირიკაშვილმა.

პრემიერ-მინისტრის თქმით, ჩინეთი უკვე არის უმსხვილესი ინვესტორი საქართველოში და საქართველო ამაყობს, რომ პირველი ქვეყანაა სამხრეთ კავკასიაში, რომელმაც ჩინეთთან თავისუფალი სავაჭრო ურთიერთობების შესახებ მოლაპარაკებები წამოიწყო და დაასრულა.

„ეს ისტორიული მნიშვნელობის შეთანხმება წაახალისებს ბიზნესისა და ვაჭრობის მოცულობას ორივე ქვეყანაში და, რაც კიდევ უფრო მნიშვნელოვანია, სარგებელს მოუტანს ჩვენს მოქალაქეებს. თავისუფალი ვაჭრობა საქართველოსა და ჩინეთს შორის კიდევ უფრო განამტკიცებს ჩვენს მჭიდრო პარტნიორობას ჩინური მხარის ინიციატივის - „ერთი სარტყელი - ერთი გზის" პროექტის ფარგლებში, რომელსაც ჩვენ დიდად ვაფასებთ. აბრეშუმის გზის აღდგენა უკვე აახლოებს ჩვენს ქვეყნებს და იყენებს საქართველოს, როგორც ევროპისა და ჩინეთის კარიბჭის, უზარმაზარ პოტენციალს. ახალი აბრეშუმის გზასთან დაკავშირებით ჩვენი ერთიანი ხედვის ხორცშესხმაზე ჩინეთთან მჭიდრო თანამშრომლობის გაგრძელება ჩვენი მთავრობის ერთ-ერთი მთავარი პრიორიტეტია", - განაცხადა პრემიერ-მინისტრმა.

ჩინეთის ეროვნული დღესასწაულისადმი მიძღვნილ საზეიმო მიღებას საქართველოს აღმასრულებელი ხელისუფლების წევრები და დიპლომატიური კორპუსის წარმომადგენლები დაესწრნენ.

(NS)




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
კულება - ინდოეთთან თანამშრომლობა მნიშვნელოვანია - განსაკუთრებულ ყურადღებას „მშვიდობის ფორმულას“ მივაქცევთ
არ გამკვირვებია, დღეს რომ ეს მოხდა - გრიგორიადისის დედა პროცესის გადადებაზე
საქართველოს პროკურატურაში, ევროკავშირთან თანამშრომლობით, არასრულწლოვანთა მართლმსაჯულების საკითხებზე პროკურორთა და გამომძიებელთა სპეციალიზაციის კურსი ჩატარდა
თავდაცვის მინისტრი ოკუპირებული აფხაზეთის ტერიტორიიდან გადმოსვენებულთა პანაშვიდს დაესწრო

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics