2016-10-23 14:50:09, 828 ნახვა
საზოგადოება
ელექტრომოძრავი შემადგენლობის სარემონტო ქარხნის დაარსებიდან 20 წელი შესრულდა
თბილისის სატრანსპორტო კომპანიის მფლობელობაში არსებული ელექტრომოძრავი შემადგენლობის სარემონტო ქარხნის (ეშსქ) დაარსებიდან 20 წელი შესრულდა. მათივე ცნობით, საზეიმო ცერემონიაზე ეშსქ-ის დირექტორმა გელა ძიძიკაშვილმა სტუმრებს ქარხნის ისტორია გააცნო და შესრულებულ სამუშაოებსა და სამომავლო გეგმებზე ისაუბრა. საიუბილეო ღონისძიების ფარგლებში, ქარხნის სტაჟიანი და გამორჩეული თანამშრომლები თბილისის მერმა დააჯილდოვა. ,,მეტროს ვაგონშემკეთებელი ქარხანა დღეს 20 წლის გახდა, 1996 დაფუძნდა და ამის შემდეგ ძალიან მნიშვნელოვანი საქმე განახორციელა. 330-ზე მეტი ვაგონი შეკეთდა ამ პერიოდში. ბოლო ერთი წლის განმავლობაში ხუთი მოძრავი შემადგენლობა, რომელიც ჯამში 20 ვაგონს შეადგენს, შევაკეთეთ და ამით მნიშვნელოვნად გავაუმჯობესეთ მეტროპოლიტენის მდგომარეობა. ვაგონშემკეთებელი ქარხნის მეშვეობით კიდევ ვაგრძელებთ ამ პროექტს მომდევნო წელს, რათა უკეთესი პირობები გვქონდეს თბილისის მეტროში. დღეს ვულოცავთ ღვაწლმოსილ თანამშრომლებს, ადამიანებს, რომლებმაც 20 წლის განმავლობაში ძალიან ბევრი იმუშავეს ამ სისტემაში და დავაჯილდოვეთ ღირსეული ადამიანები,’’- განაცხადა დავით ნარმანიამ. სააქციო საზოგადოება ‘’ელექტრომოძრავი შემადგენლობის სარემონტო ქარხნის თბილისის ფილიალი’’ შეიქმნა 1996 წელს. დღეისათვის, ქარხანაში დასაქმებულია 130 თანამშრომელი. სააქციო საზოგადოება უზრუნველყოფს მეტროს ვაგონების კაპიტალურ შეკეთებას და მოდერნიზაციას თბილისის, ბაქოს და ერევნის მეტროპოლიტენისათვის. დაარსებიდან ქარხანაში გარემონტდა და მოდერნიზაცია ჩაუტარდა მეტროს ვაგონების 333 ერთეულს. ასევე, კაპიტალურად შეკეთდა 4 ერთეული სატვირთო სამონტაჟო ვაგონი. (NS) ავტორი: ირაკლი მანაგაძე , ექსპრესნიუსის რეპორტიორი 2009 წლიდან ამბროლაურის მუნიციპალიტეტში სამოქალაქო საზოგადოებასთან და ადგილობრივ თემებთან შეხვედრები მიმდინარეობს
კაია კალასი - აქცენტი საქართველოს ევროკავშირთან დაახლოებაზე და არა მისგან დაშორებაზე უნდა გაკეთდეს
ქალთა მოძრაობა - ქალები ვირჩევთ ევროპას!
აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|