12:10 - 28 Mar, 2024
რეკლამა/ხელმოწერა
2016-10-26 15:09:45, 1395 ნახვა

ეკონომიკა
ბუცხრიკიძე: ჩვენი მიზანია, საშუალო ვადაში სადაზღვევო ბიზნესში ლიდერი გავხდეთ

„ჩვენი მიზანია საშუალო ვადაში  გავხდეთ ლიდერი, ერთ-ერთი მსხვილი მოთამაშე სადაზღვევო ბიზნესში“, - ამის შესახებ „თიბისი ბანკის“ გენერალურმა დირექტორმა ვახტანგ ბუცხრიკიძემ  ჟურნალისტებს განუცხადა.

ბუცხრიკიძის განმარტებით, „თიბისი ბანკის“ მიერ სადაზღვევო კომპანია „კოპენბურის“  შესყიდვა, სადაზღვევო ბიზნესში  ბანკის აქტიურ ჩართვას ნიშნავს.

„ჩვენ  სადაზღვევო კომპანია „კოპენბურის“ 100%  შევიძინეთ,  რაც ნიშნავს იმას, რომ  აქტიურად ჩავერთვებით სადაზღვევო ბიზნესის განვითარებაში. ჩვენი სტრატეგია ყოველთვის გაცხადებული იყო,  რომ ჩვენ გვინდა ვიყოთ ფინანსური ინსტიტუტი საქართველოში. ბოლო 18 თვის განმავლობაში ჩვენ ბევრი სიახლეები გქვონდა ამ მიმართულებით. ჩვენ შარშან განვაცხადეთ, რომ ვანვითარებთ  ჩვენს საინვესტიციო ბანკინგს და ამაზე საკმაოდ მნიშვნელოვანი ადამიანები და ფინანსური რესურსები გამოვყავით. ასევე, სექტემბერში ჩვენ განვაცხადეთ, რომ ჩამოვაყალიბეთ  აქტივების მართვის კომპანია და დღეს, როგორც მოგეხსენებათ შევიძინეთ სადაზღვევო კომპანია „კოპენბური“.  ჩვენი მიზანი არის, რომ გავხდეთ ლიდერი, ერთ-ერთი მსხვილი მოთამაშე საშუალო ვადაში სადაზღვევო ბიზნესში. ამას ჩვენ მოვიაზრებთ და დაახლოებით 3 წლის შემდეგ ჩვენ გვინდა, რომ მინიმუმ 25%  გქვონდეს სადაზღვევო ბიზნესის“,-განაცხადა ბუცხრიკიძემ და დასძინა, რომ  ძირითადი მიმართულება საცალო ბიზნესის განვითარება იქნება.

მანვე განმარტა, რომ „თიბისი  ბანკი“  საცალო ბიზნესის განვითარებისთვის კარგ საშუალებას იძლევა.

„რა არის ეს მომხმარებლებისათვის? პირველ რიგში მომხმარებლებისათვის ეს არის ახალი პროდუქტები და ახალი ტექნოლოგიური პროდუქტები.  ჩვენ ამაში რამდენიმე მილიონი ლარის ინვესტიციას განვახორციელებთ მომავალი 12 თვის განმავლობაში. ჩვენი მიზანი  არის, რომ როგორც „თიბისი ბანკი“  გამოირჩევა თავისი საუკეთესო მომსახურების ხარისხით, უკვე 2017 წლიდან ჩვენი სადაზღვევო კომპანიის მომსახურების ხარისხი საუკეთესო იყოს მთელ საქართველოში თავისი ახალი ტექნოლოგიური პროდუქტებით“,-აღნიშნა ბუცხრიკიძემ.

ცნობისთვის, „თიბისი ბანკი“  სადაზღვევო კომპანია „კოპენბურის“  მფლობელი გახდა.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
ოთარ შამუგია სამხრეთ-აღმოსავლეთ ევროპის სოფლის განვითარების რეგიონული ჯგუფის გენერალურ მდივანს შეხვდა
ქუთაისის აეროპორტიდან ქალაქის ცენტრამდე ავტობუსები დაინიშნა
გზების დეპარტამენტი - სამტრედია-გრიგოლეთის ხიდის აღდგენისთვის საპროექტო კვლევებში ევროპელი სპეციალისტები ჩაერთნენ
„თიბისის“ შეხვედრები „გლობალური ფულის კვირეულის“ ფარგლებში

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics