2017-01-25 22:24:57, 5242 ნახვა
კულტურა
რეზო გიგინეიშვილის ფილმის „მძევლები“ მსოფლიო პრემიერა ბერლინის კინოფესტივალზე გაიმართება
რეზო გიგინეიშვილის ფილმის „მძევლები“ მსოფლიო პრემიერა ბერლინის კინოფესტივალზე გაიმართება. ქართველი რეჟისორის ფილმის მსოფლიო პრემიერა ბერლინალეზე სექციაში "Panorama Special" შედგება. „მძევლები" ქართულ-რუსულ-პოლონური კოპროდუქციაა. ეს არის პირველი შემთხვევა, როდესაც ფილმი ქართული და პოლონური კინოცენტრების ერთობლივი დაფინანსებით შეიქმნა. აღსანიშნავია ისიც, რომ „მძევლების" კო-პროდიუსერი ოსკაროსანი ფილმის „იდა" მთავარი პროდიუსერი ევა პუშინსკაა. ფილმის სცენარი ეფუძნება 1983 წელს რეალურად მომხდარ ამბავს, რომელიც საბჭოთა კავშირიდან ახალგაზრდების ჯგუფის მიერ თვითმფრინავის გატაცებასადა მის შედეგებს აღწერს. ეს არის ამბავი ინფანტილურ და თავდაჯერებულ ახალგაზრდებზე, რომლებიც ამერიკის შეერთებულ შტატებში წასვლაზე ოცნებობდნენ და მათ მშობლებზე, რომელთაც არაფერი იცოდნენ და ერთ დღეში საბედისწეროდ შეეცვალათ ცხოვრება. ფილმში მთავარ როლებს თინა დალაქიშვილი, ირაკლი კვირიკაძე, გიგა დათიაშვილი, გიორგი გრძელიძე, გიორგი ტაბიძე, გიორგი ხურცილავა, ვახტანგ ჩაჩანიძე,ეკატერინე კალატოზიშვილი, დარეჯან ხარშილაძე, მერაბ ნინიძე, ავთანდილ მახარაძე და მიშა გომიაშვილი ასრულებენ. ბერლინის პრესტიჟულ კინოფესტივალზე წელს საქართველო მასშტაბურად იქნება წარმოდგენილი. ეს არის პირველი შემთხვევა, როდესაც მსოფლიოს ერთ-ერთ წამყვან კინოფესტივალზე ერთდროულად 4 ქართული ფილმი მოხვდა. „მძევლების" გარდა ბერლინალეზე ნანა ექვთიმიშვილისა და სიმონ გროსის ფილმს „ჩემი ბედნიერ ოჯახი", რატი ონელის დოკუმენტურ ფილმს „მზის ქალაქი" და ნათია ნიკოლაშვილის ანიმაციურ ფილმს „ლილე" აჩვენებენ. ავტორი: ირაკლი მანაგაძე , ექსპრესნიუსის რეპორტიორი 2009 წლიდან აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ
დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]
სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ
სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება
|
ომი უკრაინაშიზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
უკრაინის გენშტაბი - საომარი მოქმედებების დაწყებიდან დღემდე, უკრაინაში 457 830-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|