2017-03-27 14:56:09, 766 ნახვა
რეგიონი
ზურაბ პატარაძე შუახევის მუნიციპალიტეტის სხვადასხვა თემის წარმომადგენლებს შეხვდა
აჭარის მთავრობის თავმჯდომარე ზურაბ პატარაძე მაღალმთიან აჭარაში სამუშაო შეხვედრებს მართავს. ადგილობრივი ხელისუფლების წარმომადგენლებთან ერთად ზურაბ პატარაძე შუახევის მუნიციპალიტეტის სხვადასხვა თემის წარმომადგენლებს შეხვდა და მათთან ერთად შუახევში არსებული მდგომარეობა და მიმდინარე ინფრასტრუქტურული პროექტები განიხილა. აჭარის მთავრობის პრესსამსახურის ინფორმაციით, შუახევის მუნიციაპლიტეტი მაღალმთიან აჭარაში ტურისტების მხრიდან დიდი ინტერესით გამოირჩევა, რასაც ცხადყოფს სოფლად არსებულ სასტუმრო სახლებში 2016 წელს არსებული ღამისთევების სტატისტიკაც. მთავრობის თავმჯდომარის განცხადებით, მაქსიმალურად უნდა მოხდეს კერძო და სამთავრობო სტრუქტურების მობილიზება იმისთვის, რომ ზაფხულის სეზონს მუნიციპალიტეტი მომზადებული შეხვდეს. როგორც ზურაბ პატარაძემ აღნიშნა, მისი უშუალო ძალისხმევით, დარეგულირდა კურორტ „გომარდულთან" დაკავშირებული პრობლემური საკითხები და ახლო მომავალში „გომარდული" განაახლებს ვიზიტორების მიღებას. „გომარდულის" პოპულარულ კურორტად გადაქცევას ხელს შეუწყობს ასევე მაღალმთიანი აჭარის გაზიფიცირების პროექტი, რომელზეც მუშაობა აქტიურად მიმდინარეობს. ზურაბ პატარაძემ ყურადღება გაამახვილა საგზაო ინფრასტრუქტურის მიმართულებით დაგეგმილ პროექტებზე, კერძოდ ხულო-ზარზმის გზის მონაკვეთზე და აჭარის საგზაო დეპარტამენტის მიერ შიდა სასოფლო და თემებთან დამაკავშირებელი გზების რეაბილიტაციაზე. შუახევის მუნიციპალიტეტის თემების წარმომადგენლებთან შეხვედრაზე განხილულ იქნა ასევე სოფლის მეურნეობის განვითარების მიმართულებით არსებული სიახლეები. პატარაძემ ხაზი გაუსვა აჭარის სოფლის მეურნეობის სამინისტროს მიერ დანერგილ პროექტ „ამაგის" მნიშვნელობას, რომელიც მუნიციპალიტეტებში „აქტიურ მოქალაქეთა ადგილობრივი გაერთიანებების" ჩამოყალიბებას და სოფლის მეურნეობაში მათ აქტიურ ჩართულობას გულისხმობს. როგორც აღინიშნა, მსგავსი გაერთიანება უკვე შუახევშიც არსებობს. მათი წევრები თემების მიხედვით საჭიროებების იდენტიფიცირებას ახდენენ და ეხმარებიან სოფლის მეურნეობის სამინისტროს ეს საჭიროებები ასახონ არსებულ პროგრამებში. „ამაგის" წევრები უშუალოდ იქნებიან ჩართულები ასევე იმ აგრარული მომსახურების ცენტრების მუშაობაში, რომელიც აჭარის სოფლის მეურნეობის სამინისტროს მიერ ყველა მუნიციპალიტეტში მოეწყობა და გააუმჯობესებს სოფლად მცხოვრები ადამიანების ეკონომიკურ მდგომარეობას.
(NS) ავტორი: ირაკლი მანაგაძე , ექსპრესნიუსის რეპორტიორი 2009 წლიდან ირანის საგარეო საქმეთა მინისტრი - თავდასხმის შემთხვევაში, ირანი ისრაელს დაუყოვნებლივ უპასუხებს
რუსეთს თავს დაესხა 50 დრონი, დაზიანდა ელექტრო ქვესადგურები, გაჩნდა ხანძარი ნავთობის საცავში
მედია - სომხეთი და აზერბაიჯანი შეთანხმდნენ, თუ სად გაივლის სახელმწიფო საზღვარი
თავდაცვის ძალების მეთაურის მოადგილე კავკასიის საერთაშორისო უნივერსიტეტის სტუდენტებს შეხვდა
|
ომი უკრაინაშიუკრაინის საჰაერო ძალები - 7 რუსული რაკეტიდან 2 ღამით გავანადგურეთ
ზელენსკი დონეცკის ოლქში ჩავიდა
რუსებმა დნიპროზე იერიში მიიტანეს - არის მსხვერპლი [ვიდეო]
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|