ევროპარლამენტი თურქეთს სომხების გენოციდის აღიარებისკენ მოუწოდებს

2015-04-16 11:34:58, 911 ნახვა

მსოფლიო

ევროპარლამენტმა სომხეთის გენოციდის შესახებ რეზოლუცია მიიღო, რომელშიც თურქეთს მოუწოდებს, სომხების გენოციდი აღიაროს.

რეზოლუციაში ნათქვამია, რომ სომხეთმა და თურქეთმა დიპლომატიური კავშირები უნდა აღადგინონ, გახსნან საზღვარი და ეკონომიკური ინტეგრაციის გზას დაადგნენ.

გენოციდის 100 წლის თავთან დაკავშირებით მიღებულ რეზოლუციაში ევროპარლამენტი თურქეთის მხარეს მოუწოდებს ოსმალების მიერ სომხების წინააღმდეგ ჩადენილი დანაშაული აღიაროს.

ოსმალეთის იმპერიის მიერ მეოცე საუკუნის დასაწყისში სომხების გენოციდის შესახებ რომის პაპმაც ისაუბრა და მას მე-20 საუკუნის პირველი გენოციდი უწოდა.

თურქულმა მხარემ რომის პაპს თურქეთის წინააღმდეგ შეთახმებაში მონაწილეობაში დასდო ბრალი და პროტესტის ნიშნად ოფიციალურმა ანკარამ ვატიკანიდან საკუთარი ელჩი გაიწვია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან