შინაგან საქმეთა მინისტრი ვახტანგ გომელაური საქართველოში გერმანიის ელჩ ორთვინ ჰენიგს შეხვდა.

შსს-ს ინფორმაციით, შეხვედრაზე მხარეებმა ორ ქვეყანას შორის სამართალდამცავ სფეროში არსებული ორმხრივი თანამშრომლობის საკითხები განიხილეს.

მინისტრმა ხაზი გაუსვა გერმანიის ფედერაციულ რესპუბლიკასა და საქართველოს შორის დანაშაულის წინააღმდეგ ბრძოლის სფეროში თანამშრომლობის შესახებ შეთანხმების ხელმოწერის მნიშვნელობას, რომლის საფუძველზეც გერმანიის ფედერალურ სამართალდამცავ ორგანოებსა და ცენტრალურ კრიმინალურ პოლიციას შორის თანამშრომლობა საგრძნობლად გააქტიურდა და ეფექტიანი გახდა.

გარდა ამისა, შეხვედრაზე აღინიშნა, რომ ინტენსიური შეხვედრებისა და ინფორმაციის ურთიერთგაზიარების შედეგად არაერთი ორგანიზებული დანაშაულის საქმის გამოძიება განხორციელდა.

სამინისტროს ცნობით, საუბარი ასევე შეეხო ევროკავშირთან სავიზო რეჟიმის ლიბერალიზაციის სამოქმედო გეგმის იმპლემენტაციას და საქართველოს შინაგან საქმეთა მინისტრის გერმანიაში დაგეგმილ ვიზიტს. შეხვედრის დასასრულს, მხარეებმა ხაზი გაუსვეს ორი ქვეყნის სამართალდაცავ უწყებებს შორის გააქტიურებული თანამშრომლობის მნიშვნელობას დანაშაულის შემცირების კუთხით.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აქციის მონაწილეებმა გმირთა მოედანზე ფიცი დადეს, რომ ხელისუფლებას „უცხოური გავლენის გამჭვირვალობის შესახებ“ კანონს არ მიაღებინებენ

დედაქალაქში საპროტესტო აქცია კვლავ გრძელდება - მოქალაქეებმა გზის სავალი ნაწილი კვლავ გადაკეტეს [ვიდეო]

სტოლტენბერგი - ნატოს ქვეყნები უკრაინაში მეტი საჰაერო თავდაცვის სისტემების გაგზავნაზე შეთანხმდნენ

სააკაშვილი - რუსულ ოფშორულ ფულს თან კრიმინალი და სიღარიბე მოჰყვება - ქვეყანას პირდაპირ სანქციები დაემუქრება