2015-04-28 13:51:38, 365 ნახვა
სამართალი
ირაკლი შოთაძე: გია სოსანაშვილის ადვოკატის განცხადება, რომ დნმ-ის ჩადება მოხდა, სრული აფსურდია
მთავარი პროკურორის მოადგილის ირაკლი შოთაძის განცხადებით, იური ვაზაგაშვილის საქმეზე ბრალდებულ გია სოსანაშვილის ადვოკატის განცხადება სრული აფსურდია, მაგრამ პროკურატურამ როინ ასანიძის დნმ-ის ნიმუშების საექსპერტო კვლევის გადაწყვეტილება თავად ასანიძის სურვილის გამო მიიღო. მისივე თქმით, ექსპერტიზის პასუხები უახლოეს დღეებში იქნება ცნობილი. ამასთან ირაკლი შოთაძის განმარტებით, საუბარი იმის შესახებ, რომ შემთხვევის ადგილზე დნმ-ის ჩადება მოხდა აბსურდია. შოთაძე აცხადებს, რომ იური ვაზაგაშვილის მკვლელობის ადგილიდან ნივთიერი მტკიცებულებების ამოღება ოჯახის ადვოკატების, მათ მიერ მოწვეული დამოუკიდებელი ექსპერტებისა და კრიმინალისტების თანდასწრებით მოხდა. „მიუხედავად იმისა, რომ გია სოსანაშვილის ადვოკატის განცხადება ტყუილია, ჩვენ მივიღეთ მხედველობაში თვითონ ასანიძის სურვილი. თქვენ ყველამ წარმოიდგინეთ თავი მის ადგილზე, როდესაც სრულიად უსაფუძვლოდ გადანაშაულებენ და გაბრალებენ მძიმე ფაქტს. საზოგადოების მაღალი ინტერესიც არსებობდა ამ საკითხისადმი, მანაც ითხოვა და პროკურატურამ მიიღო გადაწყვეტილება, ჩაეტარებინა შესაბამისი ექსპერტიზა. პასუხების უახლოეს დღეებში იქნება და საზოგადოებას შედეგებს ვაცნობებთ. სოსანაშვილის ვერსია არის აფსურდი, იქიდან გამომდინარე, რომ დნმ-ის პროფილი დადგენილი იყო მიმდინარე წლის 24 თებერვალს. ამ დნმ-ის პროფილებთან მოხდა 50-მდე სხვადასხვა მოქალაქის დნმ-ის შედარება. გია სოსანაშვილის დაკავება მოხდა თუ არ ვცდები 7 მარტს, შესაბამისად, იმ დროიდან, როდესაც დნმ-ის პროფილები დადგინდა საქმეზე, სოსანაშვილის დაკავებამდე გასული იყო დაახლოებით ორი კვირა. შესაბამისად იმის მტკიცება, რომ დნმ-ის ჩადება მოხდა, არის აფსურდი. შემთხვევის ადგილის დათავლიერებას გამომძიებლებთან ერთად ესწრებოდნენ ოჯახის ადვოკატები, მათ მიერ მოწვეული დამოუკიდებელი ექსპერტები, კრიმინალისტები და მათი თანდასწრებით მოხდა ყველა ნივთიერთი მტკიცებულებების ამოღება, დალუქვა და საექსპერტო ბიუროში გადაგზავნა“, - განაცხადა ირაკლი შოთაძემ. ცნობისთვის, გია სოსანაშვილის ადვოკატმა შსს-ს გენინსპექციის თანამშრომლის, როინ ასანიძის დნმ-ის ნიმუშების საექსპერტო კვლევაზე გადაგზავნა მოითხოვა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება
სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება
სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა
კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 456 960-მდე რუსი ჯარისკაცი მოკლეს
ზელენსკი - ოკუპანტი შეეცდება, გააძლიეროს თავდასხმითი და შეტევითი მოქმედებები - ჩვენ ვუპასუხებთ
უკრაინის გენშტაბი - საომარი მოქმედებების დაწყებიდან დღემდე, უკრაინაში 455 340-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|