სსიპ ნატოსა და ევროკავშირის შესახებ საინფორმაციო ცენტრის ინიციატივითა და ლატვიის რესპუბლიკის საელჩოს მხარდაჭერით საქართველოს საჯარო სკოლების 10 პედაგოგი გამოცდილების გაზიარების მიზნით დღეს ლატვიაში გაემგზავრება.

ევროპულ და ევროატლანტიკურ სტრუქტურებში სახელმწიფო მინისტრის აპარატის ინფორმაციით, რიგასა და ვალმირეაში დაგეგმილია შეხვედრები საჯარო სკოლებში, საგანმანათლებლო დაწესებულებებსა და ორგანიზაციებში. პედაგოგები გაეცნობიან  ლატვიელი კოლეგების გამოცდილებას, საერთაშორისო პროექტებში ჩართვის შესაძლებლობებს, მიიღებენ ინფორმაციას სკოლებში ევროპული სწავლებების დანერგვის თაობაზე, დაამყარებენ კონტაქტებს ლატვიელ კოლეგებთან.

ვიზიტი ხორციელდება პროექტის „პედაგოგი - მეგზური ევროპისკენ“ ფარგლებში. უკვე გაიმართა ორი სემინარი, რომელშიც მონაწილეობა მიიღო გეოგრაფიის, ისტორიისა და სამოქალაქო განათლების 200-მდე პედაგოგმა ქვეყნის მასშტაბით. პირველი ღონისძიების შემდეგ გამოცხადდა პროექტების კონკურსი. შედეგად განსახილველად შემოვიდა 80 განხორციელებული  და მიმდინარე პროექტი (როგორც თბილისის, ასევე რეგიონების საჯარო სკოლებში), რომელთაგან 10 საუკეთესო შეირჩა.  სწორედ ამ პროექტების ავტორები გაემგზავრებიან ლატვიაში. ჯგუფის შემადგენლობაში წარმოდგენილია პედაგოგები გორის, ქუთაისის, წყალტუბოს, ახალქალაქისა და თბილისის სკოლებიდან.  

პროექტი სსიპ მასწავლებელთა პროფესიული განვითარების ეროვნული ცენტრისა და ებერტის ფონდის მხარდაჭერით ხორციელდება. მისი მიზანი არის საჯარო სკოლებში ევროპული ღირებულებების დამკვიდრების ხელშეწყობა, მასწავლებელთა ინფორმირება და გააქტიურება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

„მოვახდენთ იდენტიფიცირებას იმ პირების, ვინც ხელოვნურად კეტავს გზას“ - პოლიცია აქციის მონაწილეებს გზის გათავისუფლებისკენ მოუწოდებს

ვლადიმერ პუტინი მაისში ჩინეთში ვიზიტს გეგმავს

CNN - ტანზანიაში წყალდიდობის შედეგად 155 ადამიანი დაიღუპა - დაშავებულია 230-ზე მეტი ადამიანი

შოლცი - საფრანგეთს და გერმანიას სურს, რომ ევროპა ძლიერი დარჩეს