2015-05-05 18:58:33, 415 ნახვა
პოლიტიკა
თავდაცვის სამინისტროს გაერთიანებული სამეფოს დელეგაცია ესტუმრა
საქართველოს თავდაცვის მინისტრი თინათინ ხიდაშელი დიდი ბრიტანეთის უსაფრთხოებისა და სამართლიანობის ჯგუფის უფროსს დევიდ კლარკსა და საქართველოში დიდი ბრიტანეთის სამხედრო ატაშეს, ვიცე-პოლკოვნიკ ნიკ ვილკესს შეხვდა. უწყების ინფორმაციით, შეხვედრას საქართველოს თავდაცვის მინისტრის სპეციალური მრჩეველი სტივენ გლოვერიც დაესწრო. მათივე ცნობით, გაცნობითი ხასიათის შეხვედრაზე თავდაცვის მინისტრმა სტუმრებს სამომავლო გეგმები გააცნო. შეხვედრის ერთ-ერთ თემას უელსის სამიტზე მიღებული ნატო-საქართველოს არსებითი პაკეტის განხორციელების საკითხი წარმოადგენდა. საუბრისას აღნიშნულ პროცესში დიდი ბრიტანეთის მხარდაჭერის მნიშვნელობას გაესვა ხაზი. „დიდ ბრიტანეთთან საქართველოს თავდაცვის სამინისტროს, ისევე, როგორც ზოგადად, ქართულ სახელმწიფოს უკვე ძალიან ბევრი წელია ქმედითი, აქტიური თანამშრომლობა აქვს. თავდაცვის სფეროში ბრიტანელების მხარდაჭერა განსაკუთრებით მნიშვნელოვანია. ისინი ნატოს უელსის სამიტის პაკეტის განხორციელების ერთ-ერთ კომპონენტში ლიდერის პოზიციებზე არიან“, - აღნიშნა თინათინ ხიდაშელმა. ბრიტანულმა მხარემ კიდევ ერთხელ გამოხატა მხარდაჭერა საქართველოს ევრო-ატლანტიკური ინტეგრაციის გზაზე. „ქართველ მეგობრებს ყველანაირად დავეხმარებით შესაძლებლობის ფარგლებში და გავაგრძელებთ თანამშრომლობას. განვიხილეთ საქართველოს წინაშე მდგარი გამოწვევებიც. მინისტრისგან მოვისმინეთ მისი პრიორიტეტები და საწყის ეტაპზე თანამშრომლობის შესაძლო მიმართულებები დავსახეთ. მოუთმენლად ველით თანამშრომლობის გაგრძელებას და ახალი იდეების რეალიზებას, რომელიც საქართველოს ევრო-ატლანტიკური მისწრაფებების განხორციელებაში დაეხმარება“, -განაცხადა ვიცე-პოლკოვნიკმა ნიკ ვილკესმა. თავდაცვის მინისტრმა ყურადღება თავდაცვის უწყებაში მიმდინარე რეორგანიზაციის, რესურსების მართვის, თავდაცვის პოლიტიკის გაუმჯობესებისა და შეიარაღებულ ძალებში კვების საკითხებს დაუთმო. მან, ასევე, საერთაშორისო უსაფრთხოებისა და სამხედრო განათლების საკითხებში გამოცდილების გაზიარების მნიშვნელობა ხაზგასმით აღნიშნა. ორმხრივი შეხვედრისას, მხარეებმა ბრიტანეთის მაღალი დონის სამხედრო და სამოქალაქო წარმომადგენლების საქართველოში დაგეგმილი ვიზიტების შესახებაც ისაუბრეს. მათ საქართველოსა და გაერთიანებულ სამეფოს თავდაცვის სამინისტროებს შორის ორმხრივი თანამშრომლობის გაღრმავების მნიშვნელობა ხაზგასმით აღნიშნეს. ავტორი: ირაკლი მანაგაძე , ექსპრესნიუსის რეპორტიორი 2009 წლიდან რიში სუნაკი და ოლაფ შოლცი თავდაცვის სფეროში მჭიდრო თანამშრომლობაზე შეთანხმდნენ
ხასაია - მიუხედავად ყველაფრისა, 2600 ლარით დამაჯარიმეს- სპექტაკლი დასრულებულია
ჯო ბაიდენმა უკრაინის, ისრაელისა და ტაივანის დახმარების კანონპროექტს ხელი მოაწერა
კულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
|
ომი უკრაინაშიკულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
უკრაინის გენშტაბი - საომარი მოქმედებების დაწყებიდან დღემდე, უკრაინაში 461 940-მდე რუსი ჯარისკაცი მოკლეს
მედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|