გარემოს დაცვის მინისტრის მოადგილე სამცხე-ჯავახეთის ახალგაზრდულ ფორუმს დაესწრო

2015-05-25 13:09:27, 305 ნახვა

საზოგადოება

გარემოსა და ბუნებრივი რესურსების დაცვის მინისტრის მოადგილე ბესარიონ აბაშიძე „სამცხე-ჯავახეთის ახალგაზრდული ფორუმი 2015“-ს დაესწრო.

გარემოს დაცვის სამინისტროს ინფორმაციით, პროექტს world vision georgia, დემოკრატ მესხთა კავშირი და ახალციხის ახალგაზრდული ცენტრი ახორციელებს, რომლის ფარგლებშიც 5 თემატურ ჯგუფში გაერთიანებული ახალგაზრდები პოტენციურ დამფინანსებლებთან წარსადგენად პროექტებს მოამზადებენ. ეკოლოგია და გარემოს დაცვა, თანასწორობა, ჯანსაღი ცხოვრების წესი, ტურიზმის განვითარება და მოხალისეობა - ეს ის თემებია, რომლებიც ახალგაზრდებმა პრიორიტეტულ მიმართულებებად განსაზღვრეს.

შეხვერდაზე, რომელსაც ადგილობრივი და ცენტრალური ხელისუფლების, არასამთავრობო ორგანიზაციებისა და კერძო სექტორის წარმომადგენლები ესწრებოდნენ, წარდგენილი პროექტების დაფინანსებასა და განხორციელებაზე იმსჯელეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან