ეკონომიკისა და მდგრადი განვითარების მინისტრის გიორგი კვირიკაშვილის მტკიცებით, ეროვნული ბანკიდან  საბანკო ზედამხედველობის  ფუნქციის შესაძლო გამიჯვნის საკითხზე ბიზნესწრეებთან კონსულტაციები გაიმართა.

მისივე თქმით, აღნიშნულ საკითხზე მსჯელობა კოალიციურ რეჟიმშიც მიმდინარეობდა.

"რა თქმა უნდა, იყო კონსულტაციები როგორც ბიზნესთან, ასევე  თავად ბანკების წარმომადგენლებთან, კოალიციურ რეჟიმშიც მიმდინარეობდა ამაზე მსჯელობა.დღეს სავარაუდოდ, თავად პარლამენტის ბიუროზე დაფიქსირდება ამის შესახებ პოზიცია",-განაცხადა გიორგი კვირიკაშვილმა.

კითხვაზე- შესაძლოა თუ არა, რომ კანონპროექტი გაიწვიონ, კვირიკაშვილმა პასუხის გაცემისგან თავი შეიკავა.

აღნიშნულ საკითხთან დაკავშირებით შეფასების გაკეთება არც ფინანსთა მინისტრმა და ენერგეტიკისა და ბუნებრივი რესურსების მინისტრმა/ვიცე-პრემიერმა კახი კალაძემ ისურვეს:

"ეს არის საქართველოს პარლამენტის კომპეტენცია, საქართველოს პარლამენტი განიხილვს ამ საკითხებს და მიიღებენ გადაწყვეტიელბას, მათი ინიციატივაა",-აღნიშნა ნოდარ ხადურმა.

"ამ თემაზე მოგვიანებით ვისაუბრებ",-განაცხადა  კახი კალაძემ.

ცნობისთვის, პარლამენტში ინიცირებული ცვლილებების მიხედვით, ეროვნული ბანკიდან საბანკო ზედამხედველობის ფუნქცია გაიმიჯნება და ცალკე სააგენტო შეიქმნება.საუბარია იმის შესახებ, რომ საბანკო სექტორთან  მიმართებაში გარკვეულმა ცვლილებემა შესაძლოა რყევის სერიოზული ნიშნები შექმნას.ბიზნესორგანიზაციები მიიჩნევენ, რომ  ეროვნული ბანკიდან საბანკო ზედამხედველობის ფუნქციის გამიჯვნა, არა მოლოდ საბანკო სექტორს, არამედ ბიზნესს და საინვესტიციო კლიმატს დააზიანებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა