2015-05-26 11:45:41, 318 ნახვა
პოლიტიკა
გიორგი ვაშაძე: პრობლემებს გადაწყვეტა სჭირდება და არა გაქცევა
„პრობლემებს გადაწყვეტა სჭირდება და არა გაქცევა“, – ასე შეაფასა „ნაციონალური მოძრაობის“ წევრმა გიორგი ვაშაძემ გოგა ხაჩიძის, გიორგო მელაძის, პავლე კუბლაშვილისა და ზურაბ ჯაფარიძის პარტიიდან წასვლის შესახებ გადაწყვეტილება. მას უჭირს საუბარი, თუ რატომ მიიღეს მისმა თანაგუნდელებმა „ნაციონალური მოძრაობიდან“ წასვლის შესახებ გადაწყვეტილება. თუმცა, ვაშაძემ აქვე დასძინა, რომ კარგი მენეჯერები გარკვეულ რეოგრანიზაციას უმკლავდებიან, სუსტი მენეჯეერები კი მას ხანდახან გაურბიან. "ხვალ გვექნება მათი ოფიციალური განცხადება. მეც მაინტერესებს მათი მოტივაცია. ვწუხვარ, რომ ეს გადაწყვეტილება მიიღეს, რადგან ვფიქრობ, თუ პრობლემები არის, ამას სჭირდება მოვლა, გადაწყვეტა და არა გაქცევა. რაც შეეხება ზოგადად „ნაციონალურ მოძრაობას“, ჩვენ ვაგრძელებთ ბრძოლას, ჩვენ ვართ ყველაზე დიდი პოლიტიკური ძალა, ერთადერთი ალტერნატივა „ქართული ოცნების“. გაკვეთილი აქედან ყველამ უნდა მიიღოს, მათ შორის „ნაციონალურმა მოძრაობამაც“ და სრულიად ახალი ტალღით უნდა დავიწყოთ საზოგადოებასთან მუშაობა, თავად „ნაციონალური მოძრაობის“ გარდაქმნა და ა.შ. ჩვენ ხშირად ვსაუბრობთ ცვლილებებზე, რომელიც საჭიროა. ვსაუბრობთ გარკვეულ რეორგანიზაციაზე, რომელიც „ნაციონალურ მოძრაობაშია“ საჭირო, კარგი მენეჯერები ამას უკლავდებიან, სუსტი მენეჯერები ამას ხანდახან გაურბიან ხოლმე. ალბათ ეს არის ამ სიტუაციაში გადამწყვეტი. მე ძალიან ვწუხვარ, რომ ეს ხდება ახლა, როცა „ქართული ოცნების“ რეიტინგი ასე სწრაფად ეცემა, და „ნაციონალური მოძრაობის“ რეიტინგი იმატებს“, – აღნიშნა ვაშაძემ. ავტორი: ირაკლი მანაგაძე , ექსპრესნიუსის რეპორტიორი 2009 წლიდან |
ომი უკრაინაშიზელენსკი - ოკუპანტი შეეცდება, გააძლიეროს თავდასხმითი და შეტევითი მოქმედებები - ჩვენ ვუპასუხებთ
უკრაინის გენშტაბი - საომარი მოქმედებების დაწყებიდან დღემდე, უკრაინაში 455 340-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 454 420-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|