ოფიციალურმა კიევმა ორი მედიასაშუალება - Россия сегодня და РИА Новости Украина სამი წლით სანქციების სიაში შეიყვანა.

შესაბამისი დოკუმენტი უკრაინის პრეზიდენტის, პეტრო პოროშენკოს ოფიციალურ ვებგვერდზე გამოქვეყნდა.

აღნიშნული გადაწყვეტილების თანახმად, უკრაინელ ინტერნეტ-პროვაიდერებს - Россиясегодня.рф, Sputniknews.com, Ria.ru, Rsport.ria.ru, 1prime.ru, Realty.ria.ru და rian.com.ua საიტების დაბლოკვა ევალებათ.

ასევე უკრაინის პრეზიდენტის ბრძანებით, აღნიშნული სააგენტოების აქტივების ბლოკირება უნდა მოხდეს, მათ უნდა შეეზღუდოთ ან შეუწყდეთ ტელეკომუნიკაციის მომსახურებების გაწევა.

გარდა ამისა, უკრაინაში აკრძალული იქნება ინტერნეტ წვდომა რუსული სატელევიზიო არხების საიტებზე, როგორიცაა - rtr-planeta.com, russia.tv, vesti.ru, tvkultura.ru, digitalrussia.tv.

ცნობისთვის, 15 მაისს, უკრაინის უშიშროების სამსახური სახელმწიფო ღალატსა და ქვეყნის საწინააღმდეგო საინფორმაციო საქმიანობის ბრალდებით რუსული სააგენტოს, „რია-ნოვოსტის“ უკრაინული სამსახურის უფროსი, კირილ ვიშინსკი დააკავეს. აღნიშნულის გამო, რუსეთის ხელისუფლება უკრაინას ადამიანის უფლებების და ინფორმაციის თავისუფლების კუთხით, ევროპული ქარტიის დარღვევაში ადანაშაულებს.

ავტორი: ,

სოციალური ქსელები

#1 ავტოდაზღვევა 2018 წლიდან - „თიბისი დაზღვევა“

მდინარაძე - ვისაც არ უნდა, მხარი დაუჭიროს ეროვნულ პოლიტიკას, ერთი ადამიანიც ნუ მოვა აქციაზე

ფაშინიანი - სომხეთი მთიანი ყარაბაღისთვის ომს არ აპირებს

აუსტრევიჩუსი - კანონი ევროკავშირის ღირებულებებს და საქართველოს კანდიდატის სტატუსს ეწინააღმდეგება