2015-05-27 18:39:54, 357 ნახვა
პოლიტიკა
თავდაცვის მინისტრმა ავღანეთში პირველი სამუშაო ვიზიტი დაასრულა
საქართველოს თავდაცვის მინისტრმა თინათინ ხიდაშელმა ავღანეთის ისლამურ რესპუბლიკაში პირველი სამუშაო ვიზიტი დაასრულა. თავდაცვის სამინისტროს ინფორმაციით, ვიზიტის ფარგლებში, თინათინ ხიდაშელმა ავღანელ კოლეგასთან მოჰამად მასუმ სტანეკზაისთან გამართა შეხვედრა. ორი ქვეყნის თავდაცვის უწყებების ხელმძღვანელებმა საქართველოსა და ავღანეთის ისლამურ რესპუბლიკას შორის არსებულ ორმხრივ ურთიერთობებზე ისაუბრეს. მხარეები სამოქალაქო სექტორში ურთიერთობების გაღრმავების საკითხსაც შეეხნენ. „მტკიცე მხარდაჭერის“ მისიის შტაბში საქართველოს თავდაცვის მინისტრს კოალიციური სარდლობის მეთაურმა, არმიის გენერალ ჯონ კემპბელმა უმასპინძლა. შეხვედრაზე განსაკუთრებით აღინიშნა „მტკიცე მხარდაჭერის“ მისიაში ქართველი სამხედროების წვლილი. გენერალმა კემპბელმა ქართველი ჯარისკაცების მაღალ პროფესიონალიზმსა და საბრძოლო სულისკვეთებას გაუსვა ხაზი და თინათინ ხიდაშელს საერთაშორისო სამშვიდობო მისიაში ქართული კონტინგენტის მონაწილეობისთვის პირადად გადაუხადა მადლობა. „მტიცე მხარდაჭერის“ მისიის შტაბ-ბინაში სტუმრობისას, თავდაცვის მინისტრმა საქართველოს შეიარაღებული ძალების III ქვეითი ბრიგადის, 31-ე ბატალიონის ასეულიც მოინახულა. თინათინ ხიდაშელმა ქართველ სამხედრო მოსამსახურეებს დამოუკიდებლობის დღე მიულოცა და საქართველოს პრემიერ-მინისტრის ირაკლი ღარიბაშვილის მადლობა გადასცა. მოგვიანებით, მინისტრი ქართული ქვედანაყოფის საცხოვრებელ და სამუშაო პირობებსაც გაეცნო. ავღანეთის ისლამურ რესპუბლიკაში ვიზიტის ფარგლებში, საქართველოს თავდაცვის უწყების ხელმძღვანელი ქაბულის სამხედრო აეროპორტის „HKAIA“ ბაზის თურქ მეთაურს, გენერალ-მაიორ მეჰმედ ბაქირსაც შეხვდა და „მტკიცე მხარდაჭერის“ მისიაში თურქულ მხარესთან მომავალი თანამშრომლობის შესახებ გაამახვილა ყურადღება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან ნეთანიაჰუ - ანტისემიტურმა ბრბომ აშშ-ის წამყვანი უნივერსიტეტები მოიცვა - ეს უნდა შეწყდეს
„არა რუსულ კანონს, კი ევროპას“ - აქციაზე შეკრებილი მოქალაქეები მსვლელობით ევროპის მოედანზე მივიდნენ
რეჯეფ თაიფ ერდოღანი ანკარაში ფრანკ-ვალტერ შტაინმაიერს შეხვდა
ზელენსკი - მადლობელი ვარ პრეზიდენტ ბაიდენის, კონგრესისა და ყველა ამერიკელის
|
ომი უკრაინაშიკულება - კონგრესის მიერ თვეების განმავლობაში შეფერხებული სამხედრო დახმარება რუსეთის დასამარცხებლად საკმარისი არ იქნება
უკრაინის გენშტაბი - საომარი მოქმედებების დაწყებიდან დღემდე, უკრაინაში 461 940-მდე რუსი ჯარისკაცი მოკლეს
მედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
ვიდეო/LIVE საქართველოს დამოუკიდებლობის დღე - პირდაპირი
ლაზარე გრიგორიადისი თავისუფალია [ვიდეო]
დღის თემა
|