ევროინტეგრაციის კომიტეტს ლევან ბერძენიშვილი, აგრარულს კი გელა სამხარაული უხელმძღვანელებს

2015-05-28 13:21:25, 707 ნახვა

პოლიტიკა

ევროპასთან ინტეგრაციის საპარლამენტო კომიტეტს ლევან ბერძენიშვილი, აგრარულ საკითხთა კომიტეტს კი გელა სამხარაული უხელმძღვანელებენ.

კომიტეტების თავმჯდომარეობის თანამდებობებზე ბერძენიშვილისა და სამხარაულის კანდიდატურები პარლამენტის თავმჯდომარემ დავით უსუფაშვილმა დაასახელა.

როგორც უსუფაშვილმა აღნიშნა, გადაწყვეტილება უმრავლესობაში შემავალ ფრაქციებთან კონსულტაციების საფუძველზე იქნა მიღებული.

„რეგლამენტის მიხედვით, კომიტეტების თავმჯდომარეობის კანდიდატურების დასახელება არის ფრაქციების, საპარლამენტო ჯგუფების უფლება, თუმცა თუ შესაბამისი ვადის ამოწურვამდე ეს უფლება არ იქნა რეალიზებული, შემდგომ უკვე პარლამენტის თავმჯდომარეს ენიჭება აღნიშნული უფლებამოსილება. მე ვსარგებლობ ამ უფლებით, მაგრამ არა ერთპიროვნულად - მქონდა კონსულტაციები საპარლამენტო უმრავლესობაში გაერთიანებულ ფრაქციებთან“, - განაცხადა უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან