2015-05-29 10:45:06, 462 ნახვა
საზოგადოება
სოფელ ღორეშას საზოგადოებრივ ცენტრში უფასო ტრენინგებში მონაწილეობის მსურველთა განაცხადების მიღება დაიწყო
საქართველოს იუსტიციის სამინისტროს სერვისების განვითარების სააგენტოსა და იუსტიციის სამინისტროს სასწავლო ცენტრის ერთობლივი ინიციატივის ფარგლებში, სოფელ ღორეშას საზოგადოებრივ ცენტრში დაგეგმილია უფასო ტრენინგები. სერვისების განვითარების სააგენტოს ინფორმაციით, ტრენინგებში მონაწილეობის მსურველთა განაცხადის მიღება უკვე დაიწყო. „საქართველოს იუსტიციის სამინისტროსთვის მნიშვნელოვანია, ხელი შეუწყოს სამოქალაქო საზოგადოების ჩამოყალიბებას. ამ მხრივ, განსაკუთრებით პრიორიტეტულია ადგილობრივი თვითმმართველობების გაძლიერება, მოსახლეობის განათლებისა და ცნობიერების ამაღლების გზით. პროექტის მიზანია ახალგაზრდების პროფესიული განვითარებისა და დასაქმების ხელშეწყობა. ამ პროექტის მეშვეობით ისინი მიიღებენ დასაქმებისათვის საჭირო ინფორმაციასა და რეკომენდაციებს. ასევე, გაივარჯიშებენ საჭირო უნარებში, რაც მათ დაეხმარებათ საკუთარი მიზნების მიღწევასა და მომავალი კარიერის უკეთ დაგეგმვაში“, - აცხადებენ სერვისების განვითარების სააგენტოში. ტრენინგებზე მონაწილეობის მიღება შეუძლია ნებისმიერ მსურველს, რომელიც 25 ივნისამდე გაივლის რეგისტრაციას და შევსებულ სარეგისტრაციო ფორმას წარადგენს ღორეშას საზოგადოებრივ ცენტრში. საზოგადოებრივი ცენტრების განვითარების ინიციატივა ხორციელდება პროექტის „ელექტრონული მმართველობის დანერგვა ადგილობრივ თვითმმართველობებში II” ფარგლებში, რომელსაც სერვისების განვითარების სააგენტო ევროკავშირის დაფინანსებით ახორციელებს. ტრენინგების ფარგლებში მონაწილეებს შესაძლებლობა ექნებათ შეიძინონ ცოდნა შემდეგი მიმართულებებით: მოდული პირველი: სამსახურის მოძიება (2 სთ); მოდული მეორე: რეზიუმესა (CV) და სამოტივაციო წერილის შემუშავება (4 სთ); მოდული მესამე: გასაუბრების უნარები და თვითპრეზენტაცია (4 სთ). თითოეული მოდული დამოუკიდებელია, შესაბამისად შესაძლებელია ერთი და იმავე პიროვნებამ გაიაროს ერთი ან რამდენიმე ტრენინგი. ტრენინგი იგეგმება ივლისსა და აგვისტოში. ტრენინგის მონაწილეთა რაოდენობა იქნება - 20, ხოლო ტრენინგის ხანგრძლივობა - 8 საათი. ავტორი: ირაკლი მანაგაძე , ექსპრესნიუსის რეპორტიორი 2009 წლიდან რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
|
ომი უკრაინაშიხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი
ზელენსკი - მაისი-ივნისში რუსეთი მორიგ მასიურ შეტევას ამზადებს
გერმანიამ უკრაინის სამხედრო დახმარების ახალი პაკეტი გამოაცხადა
ვიდეო/LIVE საქართველოს დამოუკიდებლობის დღე - პირდაპირი
|