2015-06-29 13:46:59, 581 ნახვა
სამხედრო
ვახტანგ კაპანაძე ლატვიელ კოლეგას რაიმონდს გრაუბეს შეხვდა
საქართველოში ვიზიტით ლატვიის რესპუბლიკის შეიარაღებული ძალების გენერალური შტაბის უფროსი, გენერალ-ლეიტენანტი რაიმონდს გრაუბე იმყოფება. თავდაცვის სამინისტროს ინფორმაციით, ლატვიელ კოლეგას საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ უმასპინძლა. ოფიციალური დახვედრის ცერემონიალის შემდეგ, გენერალურ შტაბში ორმხრივი შეხვედრა გაიმართა. გენერალ-მაიორმა ვახტანგ კაპანაძემ ლატვიის მხარეს საქართველოს პოლიტიკური და პრაქტიკული მხარდაჭერისთვის მადლობა გადაუხადა. “ქართველი და ლატვიელი სამხედრო პარტნიორების თანამშრომლობა არაერთ წელს ითვლის. ძალიან მნიშვნელოვანია, რომ საქართველო და ლატვია ერთმანეთს მხარში ვუდგავართ, ვეხმარებით სამხედრო მიმართულებით განვითარებასა და ქვეყნის თავდაცვისუნარიანობის ამაღლებაში. ხაზგასასმელია განსაკუთრებით ის მხარდაჭერა, რომელსაც ლატვია საქართველოს მიმართ იჩენს ნატოს ნებისმიერ სამიტსა და კონფერენციაზე. ისინი მუდმივად ჩვენს გვერდით დგანან”, - აღნიშნა გენერალ-მაიორმა ვახტანგ კაპანაძემ. შეხვედრაზე ლატვიასა და საქართველოს შორის ორმხრივი თანამშრომლობის საკითხები განიხილეს. როგორც საქართველოს გენერალური შტაბის უფროსმა განაცხადა, თავდაცვის სფეროში რეფორმირების პროცესი აქტიურად მიმდინარეობს. განსაკუთრებული ყურადღება ეთმობა სამხედრო განათლების, პირადი შემადგენლობის მართვის, დემოკრატიული კონტროლისა და გამჭვირვალობის საკითხებს. საუბარი შეეხო საგანმანათლებლო სფეროში გამოცდილების გაზიარებასა და საქართველოს მონაწილეობას საერთაშორისო მისიებში. „მინდა, ქართველ ხალხს მადლობა გადავუხადო საერთაშორისო ოპერციებში შეტანილი წვლილისთვის. ძალიან ვაფასებ, რომ ქართველი სამხედროები მსოფლიოში მშვიდობისთვის, მათ შორის, ჩემი ქვეყნის უსაფრთხოებისთვის იბრძვიან. შეხვედრაზე ორმხრივი თანამშრომლობის სამომავლო გეგმები განვიხილეთ. ვისაუბრეთ გამოცდილების გაზიარების გზებზე. ლატვიელი სამხედროები საქართველოში გადიან მომზადებას, ჩვენ კი ქართველ სამხედროებს ბალტიისპირეთის სამხედრო-საგანმანათლებლო სასწავლებლებს ვთავაზობთ. გენერალ კაპანაძესთან განვიხილეთ სამხედრო-პოლიტიკური ვითარება. ვიზიტის ფარგლებში, სენაკის ბრიგადასა და კადეტთა სამხედრო ლიცეუმს ქუთაისში ვესტუმრე. ძალიან შთამბეჭდავია, თუ როგორ სწავლობენ და იძენენ განათლებას ქართველი ახალგაზრდები. ძალიან საინტერესო და ნაყოფიერი ვიზიტია“, - განაცხადა ლატვიის გენერალური შტაბის უფროსმა. შეხვედრის დასრულების შემდეგ, გენერალ-ლეიტენანტი რაიმონდს გრაუბე გმირთა მოედანზე იმყოფებოდა. მან მემორიალი გვირგვინით შეამკო და წუთიერი დუმილით საქართველოს ტერიტორიული მთლიანობისთვის დაღუპულ გმირთა ხსოვნას პატივი მიაგო. დღესვე, ლატვიის გენერალური შტაბის უფროსი საქართველოს თავდაცვის მინისტრს, თინათინ ხიდაშელს შეხვდება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან გია ჯაფარიძე და დიმიტრი ჩიქოვანი მრავალრიცხოვანი ტრამვებით კლინიკაში რჩებიან
ჯაფარიძე - ჩემ ძმას დახვდა სადარბაზოსთან რამდენიმე ადამიანი და ფიზიკურად გაუსწორდნენ
ორბორბლიანების მარშის ერთ-ერთი ორგანიზატორი აცხადებს, რომ თანაორგანიზატორს თავს დაესხნენ და სცემეს
ენმ-ის წევრი დიმა ჩიქოვანი აცხადებს, რომ საცხოვრებელ სახლთან ფიზიკურად გაუსწორდნენ
|
ომი უკრაინაშირუსეთმა უკრაინის ექვსი რეგიონის ენერგეტიკულ ობიექტებზე მასშტაბური დარტყმები განახორციელა
უკრაინის გენშტაბი - საომარი მოქმედებების დაწყებიდან დღემდე, უკრაინაში 477 430-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 476 460-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ილია მეორეს სააღდგომო ეპისტოლე - სრულად
დღის თემა
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|