2015-06-29 16:27:09, 661 ნახვა
ეკონომიკა
მთავრობა 30 სატელევიზიო მაუწყებელს მილიონ ლარზე მეტს დაუბრუნებს
საქართველოს ეკონომიკისა და მდგრადი განვითარების სამინისტრო 30 სატელევიზიო მაუწყებელს 1,073,076.68 ლარს დაუბრუნებს. აღნიშნული თანხა ციფრულ მაუწყებლობაზე გადასვლამდე საეთერო სატელევიზიო მაუწყებლობის ლიცენზიის მფლობელების მიერ წინასწარ გადახდილ სალიცენზიო მოსაკრებელს უკავშირდება. როგორც უწყებაში გამართულ ბრიფინგზე ეკონომიკის მინისტრის მოადგილემ ნათია მიქელაძემ განაცხადა, თანხა მთავრობის სარეზერვო ფონდიდან გამოიყო. „2015 წლის პირველი ივლისიდან საქართველოში ანალოგური მიწისზედა საეთერო სატელევიზიო მაუწყებლობა ციფრული მიწისზედა საეთერო სატელევიზიო მაუწყებლობით ეტაპობრივად შეიცვლება. უკვე 1 ივლისიდან, 10:00 საათიდან თბილისში, საგარეჯოში, კოჯორში, მარნეულში და რუსთავში ქართული ტელეპროგრამების ღია ეთერით მიღება შესაძლებელი იქნება მხოლოდ ციფრულ ფორმატში. ახალი ფორმატის მაუწყებლობაზე გადასვლა სახელმწიფო მნიშვნელობის ფართომასშტაბიან რეფორმას წარმოადგენს, რომელიც მოსახლეობასა და მაუწყებლებს ეხება. საქართველოს მთავრობის ინიციატივით და ეკონომიკისა და მდგრადი განვითარების სამინისტროს ავტორობით 2015 წლის 17 ივნისიდან „მაუწყებლობის შესახებ“ საქართველოს კანონში ცვლილებები შევიდა. აღნიშნული ცვლილებით, სატელევიზიო მაუწყებლებისთვის ლიცენზირების რეჟიმი უქმდება და ტელეკომპანიები საქმიანობას მარტივი ავტორიზაციის მეშვეობით განახორციელებენ. შეგახსენებთ, რომ დღემდე კანონი ანალოგური მაუწყებლობის სპეციფიკაციაზე იყო მორგებული. კერძოდ, მაუწყებლობა დაკავშირებული იყო ამოწურვადი რესურსის გამოყენებასთან და შესაბამისად, მაუწყებლობის ლიცენზია საკმაოდ რთული პროცედურების გავლის შემდეგ გაიცემოდა. ვინაიდან, ციფრული მაუწყებლობის დროს ამოწურვადი რესურსის მფლობელი და მაუწყებელი სხვადასხვა ორგანიზაციას წარმოადგენენ, ტელეკომპანიას საქმიანობის დასაწყებად აღარ დასჭირდება ლიცენზირების გართულებული პროცედურის გავლა - მაუწყებლობა საქართველოს კანონმდებლობით დადგენილი წესით საქართველოს კომუნიკაციების ეროვნულ კომისიაში ავტორიზაციის გავლის შემდეგ იქნება შესაძლებელი. სწორედ აღნიშნული რეფორმის ფარგლებში საქართველოს ეკონომიკისა და მდგრადი განვითარების სამინისტრო უზრუნველყოფს ციფრულ მაუწყებლობაზე გადასვლამდე საეთერო სატელევიზიო მაუწყებლობის ლიცენზიის მფლობელების მიერ წინასწარ გადახდილი სალიცენზიო მოსაკრებლის დაბრუნებას, ლიცენზიის ვადით დარჩენილი დროის პროპორციულად. საერთო ჯამში, საქართველოს ეკონომიკისა და მდგრადი განვითარების სამინისტრო 30 სატელევიზიო მაუწყებელს 1,073,076.68 ლარს დაუბრუნებს. აღნიშნული თანხა მთავრობის სარეზერვო ფონდიდან გამოიყო“, - განაცხადა ნათია მიქელაძემ. ეს სატელევიზიო მაუწყებლებია: „გურია“, „კავკასია“, „თანამგზავრი“, „მეცხრე ტალღა“, „25-ე ტელეარხი“, „იმერვიზია“, „დია“, „იმპერია“, შპს „კვეტენაძე და კომპანია“, „ქვემო ქართლის ტელეკომპანია“, ინფორმკავშირი- ტელევიზია „არგო“, „ეკომი“, „ბორჯომი“, „ზარი“, „თრიალეთი“, „ოდიში“, „ომეგა“, „თვალი“, „რიონი“, „მეგა ტვ“, „პიკი“, „მაესტრო“, „პირველი სტერეო“, „თბილისი“, „ჯი-დი-ესი“, „იბერია ტვ“, „ტელეიმედი“, „რუსთავი-2“, „სამოქალაქო განათლების ფონდი“ და „მედიაცენტრი ღია აფხაზეთისათვის“. ამასთან, კომუნიკაციების ეროვნულმა კომისიამ, საქართველოს მთავრობის მიერ მოწონებული რეკომენდაციების თანახმად 21 ადგილობრივ (რეგიონალურ) მაუწყებელს, მათი სამაუწყებლო ლიცენზიებით გათვალისწინებული გავრცელების არეალის შესაბამისად, ადგილობრივი ციფრული მიწისზედა საეთერო მაუწყებლობის უზრუნველსაყოფად, რადიოსიხშირული სპექტრით უსასყიდლოდ სარგებლობის უფლება მიანიჭა, რომლის შესაბამისად, აღნიშნული ადგილობრივი მაუწყებლები აგებენ ადგილობრივი ციფრული მიწისზედა საეთერო მაუწყებლობის ქსელს. ავტორი: ირაკლი მანაგაძე , ექსპრესნიუსის რეპორტიორი 2009 წლიდან გია ჯაფარიძე და დიმიტრი ჩიქოვანი მრავალრიცხოვანი ტრამვებით კლინიკაში რჩებიან
ჯაფარიძე - ჩემ ძმას დახვდა სადარბაზოსთან რამდენიმე ადამიანი და ფიზიკურად გაუსწორდნენ
ორბორბლიანების მარშის ერთ-ერთი ორგანიზატორი აცხადებს, რომ თანაორგანიზატორს თავს დაესხნენ და სცემეს
ენმ-ის წევრი დიმა ჩიქოვანი აცხადებს, რომ საცხოვრებელ სახლთან ფიზიკურად გაუსწორდნენ
|
ომი უკრაინაშირუსეთმა უკრაინის ექვსი რეგიონის ენერგეტიკულ ობიექტებზე მასშტაბური დარტყმები განახორციელა
უკრაინის გენშტაბი - საომარი მოქმედებების დაწყებიდან დღემდე, უკრაინაში 477 430-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 476 460-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
ილია მეორეს სააღდგომო ეპისტოლე - სრულად
დღის თემა
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|