09:48 - 29 Mar, 2024
რეკლამა/ხელმოწერა
2015-06-30 17:00:39, 521 ნახვა

საზოგადოება
კაპიტალის ბაზრის რეფორმირების პროექტზე კერძო და საჯარო სექტორს შორის დიალოგი დაიწყო

საქართველოს ვიცე-პრემიერმა, ეკონომიკისა და მდგრადი განვითარების მინისტრმა გიორგი კვირიკაშვილმა საქართველოში კაპიტალის ბაზრის რეფორმირების საკითხებზე სამუშაო შეხვედრაში მიიღო მონაწილეობა, რომელიც 30 ივნისს სასტუმრო „რედისონში“ გაიმართა.

ვიცე-პრემიერის განცხადებით, ეს არის პირველი შეხვედრა კერძო და საჯარო სექტორს შორის კაპიტალის ბაზრის რეფორმის პროექტზე მსჯელობისთვის და ასეთი დისკუსიების გამართვა დაინტერესებულ მხარეებს შორის შემდგომშიც არის დაგეგმილი.

 „დღეს იწყება დიალოგი საჯარო და კერძო სექტორს შორის კაპიტალის ბაზრის რეფორმირების პროექტზე. 31 ივლისამდე უნდა დაიდოს რეფორმის საგზაო რუკა, პირველი სექტემბრისთვის უნდა მომზადდეს უკვე დროში გაწერილი სამოქმედო გეგმა, ხოლო წლის ბოლომდე მზად უნდა იყოს საკანონმდებლო ცვლილებათა სრული პაკეტი. ასეთი გეგმა გვაქვს აზიის განვითარების ბანკთან ერთად შემუშავებული, რომელთან ერთადაც ვიმუშავებთ დიაგნოსტიკურ რეპორტზე. ეს გრაფიკი გათვალისწინებულია სხვადასხვა საერთაშორისო საფინანსო ინსტიტუტებთან შეთანხმებული გეგმის ჩარჩოებში“ - განაცხადა ვიცე-პრემიერმა.

გიორგი კვირიკაშვილმა სურვილი გამოთქვა, რომ დიალოგი იყოს მაქსიმალურად ღია, რათა წამოწყებული რეფორმა სწორად განხორციელდეს. მისივე განცხადებით, ძალიან მნიშვნელოვანია, რომ კაპიტალის ბაზრის რეფორმის კუთხით ნაბიჯების გადადგმა ხდება საპენსიო რეფორმის პარალელურად, რომლის წინასწარი ვარიანტიც უკვე  დამტკიცებულია. „საპენსიო რეფორმის შედეგად მოხდება მნიშვნელოვანი რესურსების აკუმულირება ადგილობრივ ვალუტაში. ამ რესურსების აბსორბცია უნდა მოხდეს საქართველოში და არამარტო საქართველოში არსებული ფინანსური ინსტრუმენტებით. ამიტომ ძალიან მნიშვნელოვანია პარალელური ნაბიჯებით განვახორციელოთ ეს რეფორმა და მივიდეთ იმ ფორმულამდე, რომელიც ოპტიმალურ შედეგს მოგვიტანს“ - განაცხადა გიორგი კვირიკაშვილმა. 

კაპიტალის ბაზრის რეფორმირების პროექტზე კერძო და საჯარო სექტორს შორის გამართული შეხვედრა აზიის განვითარების ბანკისა და USAID-ის ორგანიზებით გაიმართა.

შეხვედრას ექსპერტები, ასევე საერთაშორისო ორგანიზაციების, საქართველოს საკანონმდებლო და აღმასრულებელი ხელისუფლებისა და ბიზნეს-კომპანიების  წარმომადგენლები ესწრებოდნენ.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
კობახიძე - საქართველოს რელიგიური მრავალფეროვნება ჩვენი ქვეყნის ერთ-ერთი უმთავრესი სიმდიდრეა
რუსეთის საგამოძიებო - Crocus City Hall-ზე მომხდარ ტერაქტთან უკრაინელი ნაციონალისტების კავშირის დამადასტურებელი მტკიცებულება მოვიპოვეთ
სახმელეთო ტრანსპორტის სააგენტოს ხელმძღვანელობასა და გადამზიდველთა შორის შეთანხმება შედგა
ხერსონში რუსმა სამხედროებმა ტაქსის მძღოლს ცეცხლი გაუხსნეს - დაიღუპა ერთი და დაშავდა ორი ადამიანი

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics