ალეკო ელისაშვილი: ისტორიული გადაწყვეტილების მიღება ასე მარტივად არ უნდა ხდებოდეს

2015-06-30 17:50:37, 321 ნახვა

პოლიტიკა

თბილისის საკრებულოს დამოუკიდებელ დეპუტატ ალეკო ელისაშვილისათვის თბილისის საერთაშორისო აეროპორტისთვის შოთა რუსთაველის სახელის მინიჭების ფორმა მიუღებელია.

როგორც ელისაშვილმა ჟურნალისტებს განუცხადა, ისტორიული გადაწყვეტილებების მიღებას მეტი მსჯელობა სჭირდება და მსგავსი საკითხები ასე მარტივად არ უნდა მტკიცდებოდეს.

„ფორმა მიუღებელი იყო, ისტორიულ გადაწყვეტილებას მეტი მსჯელობა სჭირდება, ასე მარტივად არ უნდა ხდებოდეს ისტორიული გადაწყვეტილებების მიღება. თქვა პრემიერმა და ესენიც დაეთანხმნენ, ეს დაბალი პოლიტიკური კურსის მაჩვენებელია“ - განაცხადა ალეკო ელისაშვილმა.

ცნობისთვის, თბილისის საკრებულომ დღევანდელ რიგგარეშე სხდომაზე თბილისის საერთაშორისო აეროპორტისთვის შოთა რუსთაველის სახელის მინიჭების საკითხი 30 ხმით არც ერთის წინააღმდეგ დაამტკიცა, კენჭისყრაში მონაწილეობა ფრაქცია ნაციონალური მოძრაობის წევრებს არ მიუღიათ. ოპოზიცია აეროპორტისთვის რუსთაველის სახელის მინიჭების წინააღმდეგი იყო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან