2015-07-03 09:58:29, 319 ნახვა
პოლიტიკა
ღარიბაშვილი: ჩვენი ქვეყნის დემოკრატიზაციის გზაზე ამერიკის მხარდაჭერა ფასდაუდებელია
ჩვენი ქვეყნის დემოკრატიზაციის გზაზე ამერიკის მხარდაჭერა ფასდაუდებელია,-ამის შესახებ პრემიერ-მინისტრმა ირაკლი ღარიბაშვილმა ამერიკის დამოუკიდებლობის დღესთან დაკავშირებით ამერიკის შეერთებული შტატების საელჩოში გამართულ მიღებაზე განაცხადა. მთავრობის მეთაურმა ამერიკელ ხალხს დამოუკიდებლობის დღე მიულოცა და ორი ქვეყნის მეგობრულ და სტატეგიულ ურთიერთობებზე ისაუბრა. მისივე განმარტებით, ამერიკა საქართველოს უმთავრესი სტრატეგიული მოკავშირეა, თავისუფლების, დემოკრატიისა და კანონის უზენაესობის საერთო ღირებულებები კი, რომლებიც ასახულია ჩვენი ქვეყნების მიერ ორმხრივად აღებულ ვალდებულებებში, უზრუნველყოფს საქართველოსა და ამერიკის შეერთებულ შტატებს შორის მჭიდრო პარტნიორობის მტკიცე და ურყევ საფუძველს. „ დიდი მადლობა პირადად ბატონ ელჩსა და თქვენ ყველას საქართველოს მხარდაჭერისთვის. ამერიკა არის საქართველოს უმთავრესი სტრატეგიული პარტნიორი და თქვენი წვლილი ჩვენი ურთიერთობების გაღრმავებასა და გაძლიერებაში ფასდაუდებელია. 1776 წლის 4 ივლისს კონტინენტურმა კონგრესმა დაამტკიცა დამოუკიდებლობის დეკლარაციის საბოლოო ვერსია. ეს იყო დიდი დღე ამერიკის ისტორიაში და არანაკლებ დიდი დღე მთელი მსოფლიოსთვის. მართალია ჩვენი 24-წლიანი დემოკრატია ბევრად უფო ახალგაზრდაა, ვიდრე თქვენი, ჩემთვის ნათელია პარალელები, რომლებიც არსებობს ჩვენი დიადი ქვეყნების დამოუკიდებლობის მოძრაობებს შორის. დამოუკიდებლობის მოპოვების გზაზე საქართველოს ამოძრავებდა თავისუფლების იგივე პრინციპები, რომლებმაც სული ჩაუდგეს ამერიკის რევოლუციას. უდიდესი საფრთხის მიუხედავად, ბრძოლა დამოუკიდებლობისთვის არასდროს შეჩერებულა და მთელმა თაობებმა გაწირეს თავი იმ იმედით, რომ საქართველოს დამოუკიდებლობის ოცნება ერთ დღეს რეალობად იქცეოდა. ვიმეორებ, ამერიკა არის საქართველოს უმთავრესი სტრატეგიული მოკავშირე. თავისუფლების, დემოკრატიისა და კანონის უზენაესობის საერთო ღირებულებები, რომლებიც ასახულია ჩვენი ქვეყნების მიერ ორმხრივად აღებულ ვალდებულებებში, უზრუნველყოფს საქართველოსა და ამერიკის შეერთებულ შტატებს შორის მჭიდრო პარტნიორობის მტკიცე და ურყევ საფუძველს,“–განაცხადა ირაკლი ღარიბაშვილმა სიტყვით გამოსვლისას. მანვე ელექტრონული ფოსტით ამერიკელი მოსწავლისგან მიღებული წერილი გაიხსენა და იმედი გამოთქვა, რომ თანამშრომლობის სულისკვეთება მომდევნო თაობებშიც არ შენელდება. ავტორი: ირაკლი მანაგაძე , ექსპრესნიუსის რეპორტიორი 2009 წლიდან საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება
სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება
სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა
კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 456 960-მდე რუსი ჯარისკაცი მოკლეს
ზელენსკი - ოკუპანტი შეეცდება, გააძლიეროს თავდასხმითი და შეტევითი მოქმედებები - ჩვენ ვუპასუხებთ
უკრაინის გენშტაბი - საომარი მოქმედებების დაწყებიდან დღემდე, უკრაინაში 455 340-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
პარლამენტმა „უცხოური გავლენის გამჭვირვალობის შესახებ“ კანონპროექტს პირველი მოსმენით მხარი დაუჭირა - ვიდეო
მთავარი თემა
|