12:36 - 29 Mar, 2024
რეკლამა/ხელმოწერა
2015-07-03 14:16:29, 432 ნახვა

პოლიტიკა
თავდაცვის მინისტრი ამერიკელ სენატორებს შეხვდა

საქართველოს თავდაცვის მინისტრი თინათინ ხიდაშელი მთავრობის ადმინისტრაციაში ამერიკის კონგრესის დელეგაციას შეხვდა.

თავდაცვის სამინისტროს ინფორმაციით, შეხვედრას საქართველოს პრემიერ-მინისტრი ირაკლი ღარიბაშვილი, ვიცე-პრემიერი, ეკონომიკისა და მდგრადი განვითარების მინისტრი გიორგი კვირიკაშვილი, საგარეო საქმეთა მინისტრი თამარ ბერუჩაშვილი და იუსტიციის მინისტრი თეა წულუკიანი დაესწრნენ. მხარეებმა ორი ქვეყნის ურთიერთობების საკითხები განიხილეს.

შეხვედრის მთავარი თემები ორ ქვეყანას შორის არსებული სამხედრო თანამშრომლობა, ასევე, საქართველოს ნატოსა და ევროკავშირში გაწევრიანების პერსპექტივები იყო.

თავდაცვის მინისტრის განცხადებით, სენატორების ვიზიტი საქართველოში ძალიან მნიშვნელოვანია.

„შეხვედრაზე მყოფ სენატორთა უმრავლესობა უკვე მრავალი წელია საქართველოს მეგობარია. ეს არის ამერიკის კონგრესში დემოკრატიის მხარდაჭერისთვის სპეციალურად შექმნილი მექანიზმი. მნიშვნელოვანია, რომ ისინი დღეს საქართველოში ჩამოვიდნენ. ძალიან გულწრფელი საუბარი გვქონდა. ვისაუბრეთ რეფორმებზე, რომელიც ქვეყანაში დემოკრატიის განმტკიცების თვალსაზრისით მიმდინარეობს. ევროატლანტიკურ გზაზე ჩვენ მიერ განსახორციელებელ ღონისძიებებთან დაკავშირებით ბევრი სასარგებლო რჩევა მივიღეთ. რა თქმა უნდა, ვისაუბრეთ სამხედრო თანამშრომლობის შესახებ, რომელიც ორ ქვეყანას შორის არსებობს, ასევე ვისაუბრეთ დაგეგმილ ნატოს სამიტზეც. როგორც ყოველთვის, ამერიკელი კონგრესმენები ჩვენს გვერდით დგანან და ამ ინიციატივის სათავეებთან იქნებიან ჩვენთან ერთად. დარწმუნებული ვარ, რომ ძალიან წარმატებული ვიზიტი იქნება“, - განაცხადა თინათინ ხიდაშელმა.

ამერიკის კონგრესის დელეგაციას კონგრესმენი პიტერ როსკამი ხელმძღვანელობს. დელეგაციის შემადგენლობაში არიან კონგრესმენები: დეივიდ პრაისი, ტომ რაისი, რობ ვუდალი, დინა ტიტუსი და ლუიზ კეფსი.




ავტორი: ირაკლი მანაგაძე , ექსპრესნიუსის რეპორტიორი 2009 წლიდან


სოციალური ქსელები
გარემოს დაცვისა და სოფლის მეურნეობის სამინისტრომ სახეობათა აღდგენის ეროვნული გეგმის პროექტი სამუშაო შეხვედრაზე განიხილა
მერია - მუნიციპალური ტრანსპორტის სხვადასხვა მარშრუტს 30 მარტიდან ავტობუსები დაემატება
ზელენსკი - რუსეთის რესურსებს ვერ ვუტოლდებით, მაგრამ უკრაინელებს შეუძლიათ რუსეთის დამარცხება გამბედაობით, მონდომებით და იდეებით
სააგენტო - ზოგიერთ მუნიციპალიტეტსა და დედაქალაქში, ატმოსფერულ ჰაერში მყარი ნაწილაკების შემცველობის მატება ფიქსირდება

ომი უკრაინაში

ვიდეო/LIVE

საქართველოს დამოუკიდებლობის დღე - პირდაპირი












არქივი 2009 წლიდან

303,563
უნიკალური
ვიზიტორი დღეს 27,104
Powered By Google Analytics