2015-07-03 18:45:53, 333 ნახვა
პოლიტიკა
საგარეო საქმეთა მინისტრის მოადგილე საბერძნეთის პრემიერ-მინისტრის დიპლომატიური კაბინეტის ხელმძღვანელს შეხვდა
საბერძნეთის რესპუბლიკაში სამუშაო ვიზიტით მყოფი საგარეო საქმეთა მინისტრის მოადგილე ვლადიმერ გურგენიძე საბერძნეთის პრემიერ-მინისტრის დიპლომატიური კაბინეტის ხელმძღვანელს ევანგელოს კალპადაკის შეხვდა. საგარეო საქმეთა სამინისტროს ინფორმაციით, შეხვედრაზე განიხილეს საბერძნეთის რესპუბლიკაში შექმნილი ფინანსური კრიზისი და მასთან დაკავშირებული საკითხები, ასევე კრიზისის შედეგად საბერძნეთში მცხოვრები მოსახლეობის, მათ შორის საქართველოს მოქალაქეების წინაშე წარმოქმნილი პრობლემები, კერძოდ საბანკო ანგარიშებზე წვდომასა და საზღვარგარეთ ფულად გადარიცხვებთან დაკავშირებული შეზღუდვები. ვლადიმერ გურგენიძემ გამოთქვა იმედი, რომ კრიზისი, რომელიც მეგობარ ქვეყანაში – საბერძნეთშია შექმნილი, დაიძლევა და საბოლოოდ, საბერძნეთსა და მის საერთაშორისო კრედიტორებს შორის ურთიერთმისაღები შეთანხმება იქნება მიღწეული. ევანგელოს კალპადაკისმა მადლობა გადაუხადა ქართველ კოლეგას ბერძენი ხალხის მიმართ სოლიდარობის გამოხატვისათვის. მან ხაზი გაუსვა საბერძნეთის მთავრობის კეთილგანწყობილ დამოკიდებულებას საბერძნეთში მცხოვრები საქართველოს მოქალაქეების მიმართ, რომლებიც ორ ქვეყანას შორის ურთიერთდამაკავშირებელი ხიდის ფუნქციას ასრულებენ და აღნიშნა, რომ საბერძნეთის მთავრობა ყველა ღონეს იხმარს მათი ინტერესების დასაცავად. შეხვედრაზე მხარეებმა ასევე განიხილეს ორმხრივი ურთიერთობის საკითხები. მათ შორის ბერძნული მხარე დაინტერესდა საქართველოს ოკუპირებულ ტერიტორიებზე არსებული ვითარებით და ამ კონტექსტში კვლავ დაადასტურა საქართველოს ტერიტორიული მთლიანობისა და სუვერენიტეტისადმი მხარდაჭერა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან საქართველოს პროკურატურაში, ევროკავშირთან თანამშრომლობით, არასრულწლოვანთა მართლმსაჯულების საკითხებზე პროკურორთა და გამომძიებელთა სპეციალიზაციის კურსი ჩატარდა
თავდაცვის მინისტრი აფხაზეთის ოკუპირებული ტერიტორიიდან გადმოსვენებულთა პანაშვიდს დაესწრო
შოლცი - გერმანია უკრაინისთვის Taurus-ების მიწოდებაზე უარს ამბობს, რადგან რუსეთსა და ნატოს შორის ომის თავიდან არიდებას ცდილობს
ნინო თანდილაშვილმა ბრიუსელში, გენერალური დირექტორატის სამუშაო შეხვედრაში მიიღო მონაწილეობა
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 439 970-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 439 190-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 438 160-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|