ბათუმის სანაპიროზე საზღვაო სეზონის გახსნასთან დაკავშირებით დღეს  საჩვენებელი სამაშველო მოქმედებები მოეწყო, რომელსაც აჭარის მთავრობის თავმჯდომარე არჩილ ხაბაძე  დაესწრო.

აჭარის მთავრობის ადმინისტრაციის პრესსამსახურის ინფორმაციით, არჩილ ხაბაძემ  ბათუმელ მაშველებს სეზონის გახსნა  პირადად მიულოცა და დამსვენებელთა უსაფრთხოებაზე ზრუნვაში წარმატებები უსურვა.

სამაშველო მოქმედებების დროს  საჭირო ნივთებისა და დამხმარე საშუალებების დანიშნულება და გამოყენების წესი  სამაშველო სააგენტოს დირექტორმა ზვიად ქაწაშვილმა არჩილ ხაბაძეს პირადად გააცნო. მათ სანაპიროზე განახლებული სამეთვალყურეო კოშკურა, სამაშველო  ეკიპირება და აღჭურვილობა დაათვალიერეს, მოგვიანებით კი  ბათუმის საზღვაო პორტის აკვატორიაში  ყველა საჭირო აღჭურვილობის გამოყენებით საჩვენებელი სამაშველო მოქმედების სიმულაცია გაიმართა.

ღონისძიების ბოლოს,  აჭარის მთავრობის თავმჯდომარემ არჩილ ხაბაძემ და საგანგებო სააგენტოს მართვის დირექტორმა ზვიად წაქაშვილმა პროფესიონალ მყვინთავებს პროფესიული გადამზადების დამადასტურებელი სერტიფიკატები გადასცეს. სეზონურ მაშველებს  კი სპეციალურ სერტიფიკატებთან ერთად სრული სამაშველო ტექნიკა და აღჭურვილობა გადაეცათ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა