აუცილებელია, სასამართლოს დამოუკიდებლობის განმტკიცება გაგრძელდეს და ჩვენ ამ გზაზე აბსოლუტურად შეუპოვარი ვიქნებით,  -  ამის შესახებ საქართველოს პრემიერ-მინისტრმა ირაკლი ღარიბაშვილმა იუსტიციის უმაღლესი საბჭოს მდივანთან, ლევან მურუსიძესთან შეხვედრის შემდეგ განაცხადა.

ღარიბაშვილის შეფასებით, სასამართლოს დამოუკიდებლობა ხელისუფლების ერთ-ერთი მთავარი მონაპოვარია და სისტემა ყოველგვარი ჩარევისგან თავისუფალი უნდა იყოს.

მთავრობის ადმინისტრაციის ინფორმაციით, შეხვედრაზე, რომელიც იუსტიციის უმაღლესი საბჭოს მდივნის ინიციატივით გაიმართა, ლევან მურუსიძემ პრემიერს სასამართლო სისტემის რეფორმასთან დაკავშირებულ კანონპროექტზე საკუთარი მოსაზრებები გააცნო.

ლევან მურუსიძეს პარლამენტში გადაგზავნილ კანონპროექტთან დაკავშირებით მთავრობისა და უზენაესი სასამართლოს თავმჯდომარისგან განსხვავებული პოზიცია აქვს, რომელზეც კონსულტაციები პარლამენტში გაგრძელდება.

ირაკლი ღარიბაშვილის განცხადებით, მთავრობა სასამართლოს მაქსიმალურ გაძლიერებას ხელს შეუწყობს.

„ვისაუბრეთ იმაზე, რომ საჭიროა მთავრობის აქტიური დახმარება, რათა მინიმუმამდე დავიყვანოთ კორუფციის რისკები სასამართლოში, რადგან კორუფცია არის დამანგრეველი სახელმწიფო ინსტიტუტებისთვის. ამ ნაწილში მაქსიმალურად ფრთხილად და ფხიზლად ვიქნებით. ძალიან მნიშვნელოვანია სასამართლოს დამოუკიდებლობა და სტაბილურობა სასამართლოს შიგნით. ჩვენ ყოველგვარი რყევები უნდა ავიცილოთ თავიდან. საჭიროა კონსულტაციების და დიალოგის გზით გადავწყვიტოთ სახელმწიფოსთვის მნიშვნელოვანი ნებისმიერი საკითხი“, - განაცხადა პრემიერმა და აღნიშნა, რომ სასამართლოზე საუბრისას მაქსიმალური სიფრთხილე უნდა გამოიჩინონ პოლიტიკოსებმაც.

მისივე თქმით, ხელისუფლების მთავარი მიზანია ძლიერი სასამართლოს ჩამოყალიბება და განმტკიცება, რათა მოქალაქეებს დაუბრუნდეთ განცდა, რომ სასამართლო დამოუკიდებელია და აღდგეს ნდობა.

იუსტიციის უმაღლესი საბჭოს მდივანმა პრემიერს შეხვედრისთვის მადლობა გადაუხადა. ლევან მურუსიძემ სასამართლო სისტემის სტაბილურობისა და დამოუკიდებლობის მნიშვნელობაზე ისაუბრა და პოლიტიკოსებს თხოვნით მიმართა, კონკრეტულ საქმეებთან დაკავშირებით თავიანთი პოზიციის გამოხატვისგან თავი შეიკავონ, რადგან ამით შესაძლოა, სასამართლოს იმიჯი შეილახოს.

„ძალიან ბევრი კარგი ნაბიჯი გადაიდგა ბოლო ორი წლის განმავლობაში და ამას სჭირდება გაგრძეელება, სტაბილურობა. ყველა ვალდებულია, ამ ერთი მიზნის გარშემო გაერთიანდეს და იზრუნოს დამოუკიდებელი და ძლიერი მართლმსაჯულებისთვის“, - განაცხადა ლევან მურუსიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთის საგარეო „უცხოური გავლენის გამჭვირვალობის“ კანონპროექტზე - ეს ინიციატივა ევროკავშირის ღირებულებებს ეწინააღმდეგება

სამხარაძე - კანონისთვის რუსულის დარქმევა არის დისკრედიტაციული პოლიტიკური მეტაფორა, რომელიც მიმართულია გამოიწვიოს საზოგადოების აღშფოთება

სამხარაძე BBC-ს ჟურნალისტს - კანონპროექტში არ არის ნახსენები სიტყვა „აგენტი,“ შესაბამისად, რაც ქალბატონმა პრეზიდენტმა თქვენთან ინტერვიუში ახსენა, სრული სიცრუეა

კასპის მუნიციპალიტეტის სკოლამდელი აღზრდის დაწესებულებების აღმზრდელ-პედაგოგებისთვის 2 დღის განმავლობაში ტრენინგი მიმდინარეობდა