2015-07-28 12:14:28, 738 ნახვა
ეკონომიკა
გიორგი კვირიკაშვილი: გასაკვირი არ არის, რომ ლარის კურსი არ გამყარდა
ეკონომიკისა და მდგრადი განვითრების მინისტრს გიორგი კვირიკაშვილს არ უკვირს, რომ ლარის კურსი არ გამყარდა. ლარის კურსის ცვალებადობა, კვირიკაშვილის განცხადებით, რეგიონში არსებული სიტუაციიდან გამომდინარეობს. „ლარის კურსის რყევა, მე მგონი დღეს არ არის. ის, რომ ლარის კურსი არ გამყარდა წინა ნიშნულამდე, ეს გასაკვირი არ არის, გამომდინარე იქიდან, რომ ყველა ჩვენს სავაჭრო პარტნიორ ქვეყანაში ადგილობრივი ვალუტები ასევე გაუფასურებულია და საერთო ჯამში დოლარის გამყარება მიმდინარეობს. ვხედავთ მსოფლიოში რა ტენდენციაა და იგივეა ჩვენს რეგიონშიც“, – აღნიშნა კვირიკაშვილმა. ამასთან, მინისტრის თქმით, ქვეყანაში ინვესტიციების შემოსვლა, ძირითადად ნავთობის ფასებზეა დამოკიდებული. „ნავთობის ფასები ისევ დაბალ დონეზე რჩება, ეს თავისთავად იწვევს იმ ქვეყნებში საინვესტიო „მადის“ დაბალ დონეზე შენარჩუნებას, რაც წინა პერიოდის განმავლობაში გვქონდა. ჩვენი ძირითადი საინვესტიციო ქვეყნებია, ნავთობის ქვეყნები, ამიტომ, საქართველოში ინვესტიციები დიდწილად არის დამოკიდებული ამ ქვეყნებში საინვესტიციო „მადაზე“ და ამიტომ, ნავთობის დაბალი ფასები ყველაფერ ამაზე პირდაპირ აისახება. აქედან გამომდინარე, ის, რომ დღეს გვაქვს 2.25 ფარგლებში ლარის კურსი, ჩემთვის პირადად გასაკვირი არ არის. ასევე, იქიდან გამომდინარე, რომ საბერძნეთში მოხდა ძალიან მნიშვნელოვანი უარყოფითი მოვლენები, რამაც ასევე გავლენა იქონია ფულადი გზავნილების შემოდინებაზე. იმედი მაქვს, რომ ეს პროცესები უკვე წარსულია, ვინაიდან ის ფაქტორები რაც ჩამოვთვალე, გარდა ნავთობის ფასისა, ფაქტობრივად აღმოფხვრილია. იმედი მაქვს, რომ საბერძნეთში, სადაც ჩვენი ბევრი თანამემამულეა, სიტუაცია გამოსწორდება. ამიტომ, მომავალში მგონია, რომ საქმე სტაბილურ კურსთან გვექნება, თუმცა, საკმაოდ დინამიურ რეგიოში ვცხოვრობთ და ყველანაირი გამოწვევსთვის საქართველო მზად უნდა იყოს, თუმცა ამ მიმართულებით მნიშვნელოვან ცვლილებას არ ველი“, – განაცხადა გიორგი კვირიკაშვილმა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან 11 მაისს, თბილისში „მშობლების მარში“ გაიმართება
NGO-ები - OGP მოუწოდებს მთავრობას, გაიწვიოს კანონპროექტი, წინააღმდეგ შემთხვევაში, შესაძლოა, ქვეყანას OGP-ის წევრობა შეუწყდეს
ბეჟაშვილი - პაპუაშვილის განცხადება „ოცნების“ მანიპულაციური პოლიტიკაა, რომელსაც ბოლო დღეების განმავლობაში ახორციელებენ
საქართველოს ეროვნული პლატფორმა - ვგმობთ სამოქალაქო აქტივისტებსა და მედიაზე ძალადობას და მოვითხოვთ რეაგირებას
|
ომი უკრაინაშიუკრაინის გენშტაბი - საომარი მოქმედებების დაწყებიდან დღემდე, უკრაინაში 477 430-მდე რუსი ჯარისკაცი მოკლეს
უკრაინის გენშტაბი - საომარი მოქმედებების დაწყებიდან დღემდე, უკრაინაში 476 460-მდე რუსი ჯარისკაცი მოკლეს
უკრაინაში შენაერთი შავი არწივის მებრძოლი, სოსო გუგუტაშვილი დაიღუპა
ვიდეო/LIVE საქართველოს დამოუკიდებლობის დღე - პირდაპირი
ილია მეორეს სააღდგომო ეპისტოლე - სრულად
დღის თემა
ევროპარლამენტმა „უცხოური გავლენის გამჭვირვალობის შესახებ“ კანონპროექტთან დაკავშირებით რეზოლუცია მიიღო
მთავარი თემა
|