2015-07-29 15:16:36, 694 ნახვა
პოლიტიკა კომენტარი
ეკა გიგაური: ეროვნული ბანკის შესახებ კანონში ცვლილებები ანტიკონსტიტუციურია
პრეზიდენტის მრჩეველი ეკონომიკურ საკითხებში გიორგი აბაშიშვილი ეროვნული ბანკის შესახებ კანონპროექტთან დაკავშირებით არასამთავრობო ორგანიზაციების წარმომადგენლებს ხვდება. როგორც „საერთაშორისო გამჭვირვალობა საქართველოს“ აღმასრულებელმა დირექტორმა, ეკა გიგაურმა ჟურნალისტებს შეხვედრის დაწყებამდე განუცხადა, მიზანშეწონილი იქნება თუკი პრეზიდენტი კანონპროექტთან დაკავშირებით ვეტოს დადების უფლებას განიხილავს. ამასთან, გიგაურის შეფასებით, ეროვნული ბანკის შესახებ კანონში ცვლილებები ანტიკონსტიტუციურია. „ვფიქრობ, მიზანშეწონილი იქნება თუ პრეზიდენტი განიხილავს ვეტოს დადების უფლებას და ეს იქნება მიზანშეწონილი იმ უბრალო მიზეზის გამო, რომ საბანკო ზედამხედველობის სამსახური და ზოგადად საბანკო სექტორი უნდა იყოს დამოუკიდებელი. როდესაც საუბარია ბანკებზე ზედამხედველობაზე ეს უნდა განახორციელოს დამოუკიდებელმა სამსახურმა, ამ კანონით ეს დამოუკიდებლობა არაა უზრუნველყოფილი. შესაბამისად, საფრთხის ქვეშ დგება ზოგადად საბანკო სექტორის განვითარება. ასევე მგონია, რომ ყველაფერთან ერთად ეს კანონპროექტი ეწინააღმდეგება საქართველოს კონსტიტიტუციას. ჩვენი ორგანიზაციის პოზიციაა, რომ ეს ცვლილებები ანტიკონსტიტუციურია, შესაბამისად, ვფიქრობ, ძალიან კარგი იქნება თუ საკონსტიტუციო სასამართლოში სარჩელის შეტანის საკითხი განიხილება. სარჩელის შეტანის უფლებამოსილება არ გვაქვს, თუმცა მზად ვართ, დავწეროთ „სასამართლოს მეგობრის“ პოზიცია. ეს არის გავრცელებული ფორმა, რომელსაც შეგვიძლია მივმართოთ და ასე გაგვიკეთებია სხვა შემთხვევაშიც“, - განაცხადა ეკა გიგაურმა. ავტორი: ირაკლი მანაგაძე , ექსპრესნიუსის რეპორტიორი 2009 წლიდან მედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
ბაზისბანკის მხარდაჭერით პანექსი საქართველოში პირველ პოლიურეთანის სენდვიჩ პანელებს აწარმოებს
შალვა პაპუაშვილი - 29 აპრილს „ქუდზე კაცი“ უნდა გამოვიდეს
ნასარიძე - ხორბლის საჰექტრო მოსავლიანობის გაზრდის მიმართულებით სახელმწიფო აქტიური ნაბიჯების გადადგმას გეგმავს
|
ომი უკრაინაშიმედია - რუსებმა ხერსონის ოლქი დაბომბეს, რის შედეგადაც 2 ადამიანი დაიღუპა
BBC - რუსეთმა კიევსა და ოდესას დრონებით შეუტია
უკრაინის გენშტაბი - საომარი მოქმედებების დაწყებიდან დღემდე, უკრაინაში 461 060-მდე რუსი ჯარისკაცი მოკლეს
ვიდეო/LIVE საქართველოს დამოუკიდებლობის დღე - პირდაპირი
|